Uudhano wehuliloshiwike moshilongo

0
264
Ngele Ospana yo Tigers oya dhenge mo ndjoka yo United Stars muudhano wumwe womwaamboka utatu tau dhanwa ehuliloshiwike ndika, Tigers ota ka kala komeho niitsa omilongo 27-eli komeho niitsa ine okuyeleka nospana ontiyali ndjoka ye mu landula yo African Stars, ye ta kala eli komeho niitsa itano oku yeleka nospana yo BA ndjoka yi li puutitatu.

Ku Carlos Kambaekwa

 

WINDHOEK – Ospana yo Tigers Football Club oya tegelelwa oku tsikila noku kala pehala lyotango momusholondondo gwoospana ndhoka dhili moliha yopombanda ya MTC . Aamati yomo Donkerhoek ota ya ka kala ashike pehala lyotango ngele oye shi pondola oku dhengamo ospana ndjoka opo ye ya moliha yopombanda yedhina United Stars. Uudhano mbuka otawu ka dhanenwa mokapale koIndependence Stadium moVenduka, Olyomakaya ndjika potundi ontimulongo nontihamano komatango.

Ospana ndjoka ta yi dheulwa ku, Bobby Samaria oya tamekele yi li pombanda yomusholondondo gwoospana dhomoliha yopombanda nkene tuu edhingoloko lyonuumvo lya tamekele. Na okwa tegelelwa kutya ngele ndjika oya dhenge ospana ndjoka ompe muudhano mbuka woliha yopombanda, nena ndjika ota yi ka kala natango mehala ndyoka ya kuutumba nawa. Naashika otashi ke yi pethitha etegameno kutya otashi vulika yi kale nompito oku sindanapo oliha ndjika oshikako shuudhano shomumvo 2013/14.

Omudhani ngoka ha tulamo ookoola gwoTigers , Protash Kabwe ina tegelela a ka taambiweko nawa kaadhani yo United Stars, unene tuu omolwa uutile kutya pamwe ota ka tulamo okoola odhindji. Ospana yo Tigers nkene ya tamekele edhingoloko lyuudhano woliha ndjika oya kanitha ashike uudhano wumwe sho ya dhengwa konkwawo, ndjoka woo yi li moliha ndjika yedhina African Stars.Ndjika na yo oyo yimwe yomoospana ndhoka tadhi kondjo opo dhi tale ngele otadhi sindana po uudhano woliha ndjika nuumvo.

Nonando omupopyo ohagu ti uudhano inawu hula sigo uuna ndoka ohiya ya hugunina ya hiki, ospana yoFNB Orlando Pirates ndjoka ya kala ta yi dhana shaali nawa momaudhano gawo ha yi ningi nena ya sindana ongula ya dhana shithike pamwe hela ya dhengwa, ka shi wetike ngele ota yi vulu oku yalulwa mokati koospana ndhoka tashi vulika dhi sindane po oliha yopremier nuumvo.Onkene aatalinawa oye wete oospana ndhoka dhina ompito yo ku sindana ekopi ndika oondhika ashike ndatu ko kutya  enyakwa ndyoka ta li gamene epapa lyalyo Black Africa, osho nee  Stars na Tigers mboka ya hala oku yuga ko ndika ku BA.

Ospana yo Tigers oyi na einekelo enene momudhani gwayo omvalele ya Zimbabwe,Protash Kabwe, ngoka eli gumwe gwomaadhani ye na oshipewa sho ku dhana etanga lyokoompadhi kaa ku nawe. Kabwe ngoka ha dhana mokati kokapale okuna oshitalendi  sho ku tulamo okoola naashika ota shi hololwa kiilonga ye sho sigo oompaka a tulamo nale ookoola dhili hamano okuza tuu sho uudhano woliha yoshikako 2013/2014 wa tamekele. Kabwe oku na oshipewa shoka he shi longitha oku dhana nawa ongo omudhani oye awike  uuna Shipanga ta nyenge Nangolo.

Omudhani nguka a li ha dhanene nale ospana ya ,Highlanders FC , no kuna ondapo  oye li, pamwe nomudhani gwospana yoLHU Blue Waters  omutulimo gwookoola, Hendrik “Balack” Somaeb.Mbaka yaali oyo yena ookoola odhi ndji ndhoka dha tulwa mo muudhano sigo oompaka.

Ospana yo Tura Magic ndjoka yaana omudheuli otayi talelwapo kwaandjoka yo PC Blue Boys megumbo. Omanga ndjoka yo Blue Waters ota yi ka dhana naandjoka yoRamblers pokapale ka Kuisebmond moWalvis-Bay.

LEAVE A REPLY

Please enter your comment!
Please enter your name here