Aina Shipindo a findikilwa kongudu inene

0
284

Komutoolinghundana 

 

ONGWEDIVA – Omunailonga waNBC mOshakati Aina Kristi Shipindo womido 53, oo a xulifila moshipangelo shaMedipark mOngwediva okwa pakwa mOlomakaya la dja ko.

Shipindo okwa pakwa pOngwediva kongudu yovalilanghali vahapu ovo va tameka ku mboboloka moku uda efyo laye fiyo efiku lepako.

Vahapu ova  ndjokonona  oupenda waShipindo kutya omukainhu omunanghono , omudiinini wefimbo mu keshe te shi longo, omunashili nomunamayele oo a kala omunashisho moilonga nomeumbo.  Ovadali  ova tumbula nghee a fiya po omwaka mepata, omanga oludalo la didilika outeku waye uhe na nhondo tava hokolola kutya ina okwa kala omuholi woilonga , omupukululi nomwoongeli  waaveshe.

Kakele kovapopi va yooloka, ewiliko laNBC ola holola kutya Shipindo okwa fiya omwaka wa andjuka melimba leengalo omo a li a ha longo oilonga yovanhu vavali.

Pauyelele ou wa yandjwa kovakwapata oshivike sha djako, nakufya Shipindo okwa tandwa petamoko laFebruary neudo, nokwa lekelwa opo a ye keumbo oko a kala ko ashike omafiku manini nokwa alukila moshipangelo shaMedipark omo a xulifila komatango oSoondaxa Febuluali 16, 2012.

Nakufya okwa fiya ko ovana ovamati vane, ovatekulu vatatu noundenge vatano. Ovakulu vaye vavali ova xulifa nale. Okwa fiya ko yoo ina meekulu Julia Shilombwelwa.

LEAVE A REPLY

Please enter your comment!
Please enter your name here