Etalululo leefaalama neyandjo leendjapo doumwene kOmangetti

0
177

Komutoolinghundana

 

OSHIKOTO – Oshikondo shomadu nomatulululo pamwe nelelo loshitukulwa shaNdonga, ova talulula  omadu oovene veefaalama  moutokelo woMangeti moshitukulwa shaShikoto.

Omupopiliko welelo lOndonga Joseph Asino, okwa  holola kutya, etalululo leefaalama  neyandjo leendjapo depitikilo lokukala meefalama oo omukalo tau longifwa kepangelo nelelo lopamufyuululwakalo, ku yakulwe nomuko umwe ovanafaalama  vomoshitukulwa shaMangetti. Oshinyangadalwa eshi osha xula Osoondaxa ya djako.

Eshi oshifo eshi sha kundafana nomunashipundi wehangano lovanafaalama  moutokelo woMangetti, Ismael Shailemo, okwa holola enyeme laye ta ti omukalo wetalele po meefaalama ka wali tau ende ngaashi va li va udafana nomupedu wiliki  woshikondo shomadu nomatulululo Ludwina Shapwa.

Shailemo okwa holola kutya, nonande Shapwa e mu pula a tume omusholondodo womadina ovanafaalama mOmangetti ve dule 100  veefaalama di na ku talululwa.

Shailemo okwa ifana ovanafaalama va shakene poSenda yopOkapya va teelele ovanambelewa voshikondo shomadu nomatululo okumeta omapya, ashike fiyo efiku la landula ovanambelewa vokumeta eenhele inava fika po voo inava shiivifa ngee elandulafano ola lunduluka.

Ponhele yovanafaalama Shailemo, okwa endulula vali enyeme laye eshi okudja 2005 ovanafaalama vokOmangeti, va lundululilwa komayakulo okudja koshikondo shounamapya, va yakulwe koshikondo shomadu nomatululo, ihava yakula ovanafalama hava longifa oimaliwa yavo vene mokupangela eemboola ngee da teka oshoyo oinima ikwao.

Shailemo ta holola kutya, ovanafaalama ova uda elenga loshikandjo shaNalusheshete Eino Shondili la enda peefalama nhatu dOmomangetti pamwe novanambelewa vokumeta omadu, va ka tameka ku meta kOnalusheshete nonande  ombelewa yaShapwa oya udaneka ovameti va tameke pOkapya.

Shailemo ta ti enyeme longudu yovanafaalama 36 vokOmangetti va teelela emeto leefaamala oule womafiku avali pOkapya, okweli fikifa kombelewa yomupeduwiliki woshikondo shomadu Shapwa. Shailemo oku udite kutya, ova pumbwa ku shakena nelelo loshitukulwa shaNdonga novanambelewa vepangelo opo oshiwana shi pule omapulo shoo shi mbilipalelwe.

Eshi oshifo sha ya meenghundafana nomunafaalama wokOmangetti umwe waavo vakala va teelela ovameti veefaalama ina hala edina laye la tongwa okwa twa omufindo kehokololo laShailemo kutya, ovanafaalama ove udite oudjuu kefaneko leefaalama daMangeti tadi tulwa pomufika weefaalama domalandifilo.

LEAVE A REPLY

Please enter your comment!
Please enter your name here