Omukulupe gwomimvo 100 a dhengwa

0
626

KuKakunawe Shinana

 

ONTINDA – Omukulupe gwomimvo 100 okwa dhengwa nayi opamwe nomutekulu gwe komukiintu omugundjuka.

Mbaka oya dhengwa ku mushiinda shawo omunamivo 26, aniwa Etiyali lyoshiwike sha yi pomukunda Ontinda mOshitopolwa Oshana.

Omukiintu ngoka ta ku tiwa iha uvuko na oha kala ta nu otombo puundingosho wopomukunda ngoka okwa dhenge Kuku Monica Andreas omukulupelela, ngoka ihaa vulu nokweenda kuye mwene, naanguka okwa taambelwa moshipangelo shepangelo mOshakati a ka nitha okumonako neho lye lyokolumoho, okwa pangwa woo omolwa omutse gwa zinda noshowo oompadhi.

Pethimbo lyoshiponokela shoka, omukiintu ngoka omushiinda gwa Andreas okwa tilitha kutya ota ka galuka ishewe uusiku opo eya dhipage thilu omanga yo ya kotha nomutekulu gwe.

Yalwe puushiinda mpoka oya pula opo omukiintu nguka omukolokoshi a tidhwe mo momukunda moka oshoka okwa nika oshiponga noshowo omupiyaganeki, unene tuu shampa a nu mo motombo, puundingosho waampoka, ha kala ethimbo ele kehe esiku.

Oshigwana shopOntinda osha uvithwa nayi sho omukiintu nguka inaa kwatwapo kopolisi molwashoka aniwa ena omunona gwomvula yimwe. Aakwanezimo lyaAndreas sho ya lopota oshinima shedhengo lye kopolisi, opolisi oye ya andola yi mu kwate po, ihe opolisi aniwa ina yi pitika omukulupe a shangithe oshipotha kombinga yo ku ponokelwa konima yo ku tseyitha kutya omukiintu oku na okanona okashona. Kuku Andreas okwa pewa owala ombapila opo a ka konge omayakulo guunamiti koshipangelo.

Pahapu dhaakwashigwana omukiintu nguka ngashingeyi oku wete a pewa oonkondo oku ninga ngaashi a hala  oshoka opolisi ita yi mu gumu we. Kuku Andreas ngoka e li megumbo nomutekulu gwe aniwa oha kala noku hepekwa komukolokoshi nguka, unene tuu uuna a kolwa, aluhe oha kuthapo oonguwo dhomutekulu gwe, opo ye eke dhii zalepo kuundingosho. Shika ohe shi longo keena epitikilo. Oshikando shika Omukulupe okwa lombwele omwana ngoka oye yina yomutekulu gwe ngoka oonguwo dhe hadhi zalwapo. Omukulukadhi ngoka ha longele kOmbaye okwa dhengele omukiintu nokwe mu kumagidha opo kaa zalepo wo oonguwo dhomwana, oshowo okwe mu lombwele opo a shunithe iikutu mbyoka kaandja gwAndreas.

“Esiku lyoshiponokela otwa li twa kuutumba megumbo tatu li omwiha nomutekulu gwandje sho omukiintu nguka eya megumbo pamwe na kuume ke gumwe, otwa mono kutya okwa kolwa. Okwa ti okwe ya etu longe oshilongwa ngame nomutekulu gwandje. Okwa tuku ndje a ti ota pendje meme, meme ngoka  asa nale nale omanga ngoka inaa valwa.

Okwa kutha oshiti nokwa tameke oku dhenga ndje shaampoka, omanga kuume ke ngoka a li naye etu kwata opo kaatu ninge sha,” Kuku Andreas ta ti. Omukulupe ngoka iha vulu oku ipopila, iha vulu woo okweenda nenge andola oku igamena, okwa hupithwa komutekulu ngoka a matuka noku ka konga ekwatho kaashiinda, mboka ye ya mbala noku kwata nakuponokela omukulupe.

Omushiinda shawo ngoka eya dhenge aniwa nando okwa lopotwa kopolisi, ka li a kwatwa po pethimbo oshinyolwa shika sha nyanyangidhwa. Aniwa etompelo lya gandjwa kopolisi olyo ndjoka kutya oku na okanona okashona.

Aniwa oya pewa elombwelo yaa ha kwate noku edhilila aapogoli yaakiintu mboka ye na uunona uushona.

Shika osha ekelwahi komukuluntu gwopolisi moshitopolwa shoka, Komufala Ndahangwapo Kashihakumwa aanambelewa yamwe oyafa inaa ya uvako nawa omupopyo gwomukuluntu gwopolisi kombinga  yaa mboka ya taa

LEAVE A REPLY

Please enter your comment!
Please enter your name here