Omulumenhu a longela okapendi kovanhu omunyonena

0
333

KuHelvy Shaanika 

 

ONGWEDIVA – Omukainhu weedula 24, okwa tokola okupatululila omulumenhu weedula 23 oshipofa, konima eshi a hangelelwa ta ningile okapendi kaye omunyonena wopaixulo.

Sylvia Kalumbu, okwa lombwela Kundana kutya okuli moutile, nokwa haluka neenghono neenghono, eshi omulumenhu oo ha longo onga omutonateli womaliko, hano osekuliti, a kufa okadolombuluku kaye ndele te ka mangele kopala, nokutameka teka ningile omalinyengo opaixulo.

Omulumenhu ou nomukainhu, pamwe navakwao vahapu ota ku hokololwa kutya oha va di meetenda odo da dengelwa metala lonhumba mOutapi, omo va li va kalela oilonga.

“Ongula eshi nda ya koilonga onda ka haluka eshi nda dengelwa kutya nadi aluke shaashi okapendi kange oka li ka mangelwa kopaala oyo i li pokati ketala.

“Onda lombwelwa kutya omulumenhu umwe, (edina lishivike ku Kundana) okwa kufa okapendi kange oko nda li nda nyaneka komuleko, ndele te kamangele koshiti ye ta tameke ta ningi omalinyengo afa e li nako moixulo.

“Eshi ta ningi ngaho okwa li eshi oye aeke e li mo metala ashike opa li pena omumati umwe e li motenda yetu.

Eshi a mona kutya okwa monika okwa endelela ndele te ka kufako koshiti, ndele teka xwele mombulukweya yaye poshinena,” Kalumbu ta hokolola.

Kalumbu oo ta ti okwa tila shaashi keshi kutya elalakano lomulumenhu oo ola shike, ota ti okwa li a ifana opolifi opo i mupwilikinife, ashike sekuliti ou okwa kala te li patana no ina holola apa a tula okapendi kovanhu.

Eshi opolifi ya ya opo a ka ifana Kalumbu e mu pe ombili, nokumulombwela kutya okapendi okwe ka shuna mo motenda. “Ame onda kumwa, nonda tila shaashi omafiku aa ovalumenhu ota va dipaa ovanhu, navali kandishi kutya okapendi kange okwe ka tula shike. Ngeno okwa li ina monika ngeno pamwe onde uya ashike handi kadjala koo mboli oke na eshi ka ningwa,” omukainhu ta hokolola.

Omulumenhu oo ta hokololwa kutya oye a longela okadolombuluku kaKalumbu omunyonena okwa hokolola kutya ye okwa pa nale Kalumbu ombili.

Tati okwa li ashike ta ende popepi nomuleko, eshi okapendi kaKalumbu kawako ndele te ka toola po.

“Ashike ame ina ndi ka ngho**** ngaashi ta ti. Onde ka kufa po ashike ngeno ndi ye nako motenda yange, ina ndi ka mangela koshiti.

Eshi nda mona kutya onda monika onde ka xwela ashike mombulukweva yange shaashi oshinima oshilengifi shili, ashike ina ndi ka xwela poshinena ngaashi taku tiwa,” omulumenhu ta hokolola.

Omutonateli womaliko ka li a hala okupopya kutya omolwashike a kufila po okapendi kovanhu eka twale monduda yaye, ta ti ye okwa yandja nale ombili, nokadolombuluku kovanhu okwe ka shunifa kumwene.

Eshi a pulwa ngeenge oha kala a pamwe ena edilaadilo nande olo ku ya moixulo na Kalumbu, omulumenhu ou okwa yola ndele ta ti; “koovene okakadona kawa moshipala”, ye ta twikile nokuyola.

LEAVE A REPLY

Please enter your comment!
Please enter your name here