Taleni nawa omikwelengendjo dhoongalo dheni – Ndex

0
221

KuPinehas Nakaziko

 

WINDHOEK-Ndeu Hauwanga a tseyika nawa Ndex okwa tsu ompata naagundjuka mboka ye li momagumbo ya mwena yo taya ti epangelo na li tale po nawa.

Momumvo 2006 okwa tokola opo a totepo ostudio ye mwene mOngwediva yedhina Ndexland Production, noku tameka ta ningile aahikingalo iikwelengendjo yoongalo dhawo. Shika ka sha li oshidhigu kuye oshoka ye okwa yambekwa nale nuunongo owundji ngaashi okuthaneka, okupainda, okudanisa noku imba woo. Molwa ongushu yiikwelengendjo mbyono a kala noku ningila aahikingalo oyendji unene tuu yo petameko, oya kala ya mbongola yu uka kostudio ye hoka.

Ndeu okwa ningila aahikingalo oyendji iikwelengendjo ngaashi mboka yomadhina omanene, Mushe, Exit, Blacksheep, Omusaane Niihana, noyendji mboka opo ta ye ya, okwa ningila wo yamwe yomoAngola ngaashi Dj Nero na ya kwawo oyendji.

“Ongalo opo yi hokiwe kaantu ongele ashike yina omukwelengendjo ta gu hokitha no tayi nyuwitha omakutsi gaapulakeni, opo aantu ye yi ndanise no yi inyanyudhe nombili, yo oya pumbwa wo omuntu ta dhindi omawi opo yi li le ya yela nawa.

Oto adha aahikingalo yamwe ye na oongowela niitya iiwana ashike omukalo ngu ya kwatitha oongalo dhawo inagu yela nawa nenge iikwelengendjo yawo ka yi na naana ongushu, onkene naya lalakanene ongushu yoongalo ndele nee hau windji woongalo” Ndex ta hulitha.

LEAVE A REPLY

Please enter your comment!
Please enter your name here