Uutekete wo Namas wa gwedhelwa

0
158

KuPinehas Nakaziko

 

WINDHOEK – Omwaalu guutekete mboka tawu landwa kaantu mboka ya hala oku ka kala pegandjo lyomasindano kaahikingalo aaNamibia nuumvo ogwa gwedhelwa.

Uuyelele mbuka owa gandjwa komupopiliko gwaalongekidhi yoNamas, John Ekongo, ngoka a ti uutekete auhe kumwe waamboka taya ka tala egandjo lyomasindano kaahikingalo owu li 2736.

Muutekete mbuka omu na wuli 768 waa tali aasimanekwa noshowo nee uutekete wu li 1968 woshigwana ashihe.

Ekongo okwa ti, elanditho lyuutekete olya tameke nale mEtiyali Febuluali 25  oshiwike shika. Ta wu adhika poComputicket moositola dhoShoprite, noChekers moshilongo ashihe,” Ekongo tati.

Okwa tseyitha kutya oNamas omvula ndjika otayi ka ningilwa mo Swakopmund muMei, tashi ka dhanenwa mendiki lyuudhano ha li ithanwa Indoors Sport Centre.

Okwa tseyithile aakwashigwana mboka ta ya ka landa uutekete pokati komasiku Febuluali 25 sigo Maalitsa 31 kutya otaya ka kuthilwa ko omwaalu gwoodola N$ 50, koomwaalu gwiimaliwa yuutekete kehe.  “Ngaashi shito uutekete waasimanekwa oha wu landwa koodola N$500, kwaangu nee taka landa po kati komasiku ngaka ote ke wu landa ko N$ 450 kehe kamwe, omanga waakwashigwana wu na N$250, noku mboka taye ke wu landa pokati komasiku ngaka ota wu ka kala wu na ombiliha, N$200.

Omulongekidhi gwo Namas, Tim Ekandjo okwa ti, omvula ndjika oya patulula elanditho lyuutekete ku yele opo mboka ta ya ka kala ya hala oku holoka ya kale ya mona ompito yo ku landa uutekete wawo kuyele. “Ka pe na nando omwaalu guutekete tagu ka landithwa posheelo esiku lyethigathano,” Ekandjo ta hulitha ngaaka.

LEAVE A REPLY

Please enter your comment!
Please enter your name here