2 Step moKatutura ya patuluka

0
251

WINDHOEK – Epatululo lyehala lyiikulya lyokulila “2 Step Restaurant” lya egululilwe Etitano lya ziko moHakahana Katutura olya endele nawa. 

Ku ayehe mboka ya li ya holoka pehala opo tuu mpoka oya li ya nyanyukwa unene molwa omainyanyudho ya li ye ga etelwa kaahikingalo aaNamibia ya yooloka,  ngaashi Big Mill Mile, Fullforce, Ahaz, Zopie, Komesho, Chiza, Ramos, Vandpage na Erastus Tsempo.

Oshiindingili shika osha li sha unganekwa kewiliko lyo 2 Step Entertainment Bar, pamwe na Mkwanyoka Entertainment.

Omuwiliki namwene gwehala ndika lyokunwina nokulila 2 Step  Sakaria Nepolo okwa li a kambadhala opo a ninge ando poyendji ihapu kutwa, po ihapu siwa ondjala.

Ota ti nee okwa li enyanyu enene kuye sho sha enda nawa kaapuna ngu a fila mukwawo okavi, po inaapu lopotelwa nando eyugo lyomaliko gaantu, oshoka egameno opo lyali lela lyakwata miiti.

Okwa gwedha po ta ti ota tsikile noku ninga iinima yoludhi olwo tuu nduka opo wo aahikingalo mboka opo ta ye ya mehangano lyoongalo  ya mone ompito ombwaanawa yoku yambula po uunongo wawo.

Otati okwa pandula omagano nga a etelwa kookuume ke, ta pandula woo Dj Nikki naDj T-Cymon sho ya li ta ya dhana oongalo tadhi hokitha. Gumwe gwo maahikingalo Erastus Tsempo ota ti nonande, nkulungu ke hole mukwawo ta dhana ohashi kala oshiwanawa opo aahikingalo, mba opo ta ye ya, ya mone oompito ombwaanawa okulongela pamwe  nokwiipa wo oompito dhoku ulika uunongo wawo.

 

KuPinehas Nakaziko

LEAVE A REPLY

Please enter your comment!
Please enter your name here