Amazonkies taya ka ulika oongalo mOshikango

0
250

ONGWEDIVA – Aahikingalo yedhina lya tseyika nawa Amazonkies mOngwediva otaya ka kala nomaulikilo goongalo mehulilo shiwike tuuka mOshikango.

Amazonkies ndjoka yina aahikingalo yatano oya tokola opo yi kakuthe aakwashigwana omazigudhe noku nyanyudha aatali yo nawa sho taya ka ulika oshitalenti shawo pOshikango Country Club and Lodge mOshikango.

Dhimwe dhomoongalo ndhoka tadhi ka ulikwa ongaashi okaholike ngalo hono wo ha kadhana onkandangala kooradio dhayooloka We made it hono ya hika nomuhiki ngalo Black Sheep.

Oongalo dha gwedhwapo odho Hey girl hono ya hika na M Fresh, Omapanga Style noshowo ongalo yokwaito dhingi Jaiva bitjie bitjie.

Amazonkies otaya ka ulika oongalo dhawo naahikingalo ooyakwao ngaashi M Fresh, Nash naQonja na yamwe oyendji ya gwedhwa po.

Ongudu ndjino oya tamekele okuhika oongalo dhawo mo2010 okupitila mo studio yawo yopaumwene yedhina Zonkie Entertainment ndjoka hayi longele okuza pegumbo.

Mongashingeyi Amazonkies oyi na oongalo omugoyi, noongalo dhawo odha kala hadhi dhana onkandangala kooradio dhayooloka ngaashi koradio energy, kOmulunga noshowo koBase FM.

 

KuNuusita Ashipala

LEAVE A REPLY

Please enter your comment!
Please enter your name here