Civics oku li popepi noospana ndhoka dhi li komeho

0
196

KuCarlos Kambaekwa 

 

WINDHOEK – Ospana yoCivics oya yanda oku uka pevi lyomusholondondo gwoospana dhetanga lyokoompadhi mo Liha yo MTC Premiership, sho ya dhengemo ospana yokomunkulofuta yo Eleven Arrows nokoola yimwe monola muudhano wa dhanenwe Olyomakaya ga yi pokapale kaSam Nujoma moKatutura.

Esindano ndika olya yambula po ospana yo Civics konyala popepi komushila gwomusholondondo gwoPrima Liha no lye yi eta pehala etine mpoka yi li po nospana yo FNB Orlando Pirates. Oospana ndhika mbali kehe yimwe oyina iitsa ili 20, nonando ospana ndjoka ha yi ithanwa woo the Buccaneers oya dhana udhano uushona oku yeleka naandjoka yo Civics. Okudhengwa kwospana yokomunkulofuta okwe yi tula popepi noshitako shomusholondondo gwoLiha yOpombada. Ospana ndjika sigo oompaka oyi na ashike iitsa yili omulongo momaudhano agehe ngoka ya dhana sigo oompaka. Ospana kehe yomo liha yopombanda oha yi dhana omaudhano geli 36. Onkene ospana ndjika yo Arrows oyi li ashike pombanda kashona niitsa yili iyali okuza koshitako shomusholondondo gwoosipana dhili moLiha yopombanda yetanga lyokoompadhi ya Namibia. Ngele ndjika ina yi kutha ko oongaku otashi vulika yi iyadhe yi li kohi lela. Ngele ndjoka yili pevi ngashingeyi yo Rundu Chiefs oye shi pondola oku sindana po uudhano wa yo wumwe mboka ta yi ka dhana omasiku ngaka.

Oku thanga nawa etanga kwa Chester Cheese Boy Stanley konyala oshinano shoometa 40 oku za kokoola medhingoloko etiyali lyuudhano oko kwa li kwa topola oospana ndhika mbali kokutya yimwe oyi li komeho omanga onkwawo ya thigala konima.

Ashike eyooloko ashike eshona lyiitsa iheyali pokati kospana yi li puutihamano yoTura Magic naandjoka yi li kohi lela yo Rundu Chiefs, otashi ti ospana kehe yili kohi metata lyomusholondondo gwoLiha ota yi vulu oku thigapo ehala lya yo oku dhana muudhano woLiha yopombanda medhingoloko lyonuumvo.

Ospana ndjoka yili komeho oondjoka yo Tigers FC yi na iitsa 25, sho ya kanitha owala iitsa yili 11, mokudhengwa lumwe noshowo oku dhana shithike pamwe poompito dhili ne.

Sigo oompaka epapa lyuudhano woMTC Premiership ota li kondjelwa koosipana dhi li ndatu dhi li pondondo yoliga yaNamibia, ngaashi nospana yo Tigers, African Stars no Black Africa.

Ihe ospana ndjoka ya talika yili pondje yo ku sindana ekopi ndika yo FNB Orlando Pirates naandjoka yo Civics pakutala no ku yalula otashi vulika dhina ompito oku kondjela ekopi ndyoka ngele omwaka, ngoka gu li pokati koospana ndhika ogwa shonopala. Naashika otashi ka ninga opo oospana ndhoka dhili pombanda dhi longe shili neitulemo unene tuu sho uudhano woliha yopombanda wuuka lwopehulilo.

LEAVE A REPLY

Please enter your comment!
Please enter your name here