Egalikano lyetu ohela Esiku lyopashigwana lyegalikano

0
166

Omuwa Omuholike, otse oolye?Otwa ningi oolye moNamibia?Oku za uunake twa lunduluka oku kala ooyene yevi lyomapenda , noku ninga oshigwana shili menono nomeyolelo lyoohedhinkalelo, dhaana esimaneko lyomwenyo gwa yalwe?Otatu ekelehi omwenyo nuupu ngaashi ashike okutilahi omeya esiku kehe.

Omuwa omuholike, tutala kutya omolwashike tatu longo omiyonena ndhika, itatu, dhi longele aayendanandjila, ndele otatu dhi longele mboka tu hole nenge otatu dhi longele aaholike yetu, nenge mboka tse tatu ti otu hole.

Katuna oondunge okupanga omadhiladhilo nenge omaiyuvo gomuntu okuyeleka noondunge okupanga iilalo mbyoka yokolutu.Omolwashike Omuwa omuholike?

Oh, tuuva tse aakuluntu. Oshina oku kala oshinakugwanithwa shetu oshinene noshilonga shetu, pamwenyo, shoka tashi tu thiminike oku longa nuudhiginini okwaadha elalakano lyomuthika omwaanawa meputudho lyaamwetu palutu nopambepo.

Eeno Omuwa gwetu oshinakugwanithwa shika osha kwatelamo oku tula aamwetu momukanka gweyokumwe pashigwana nopankalathano, ndele kapena omukalo gumwe aguke gwomondjila oku shi ninga, niizemo yoonkambadhala dhetu dheputudho olundji otayi holoka yili nawa,

Epulo oondika, ngele mbika otayi kalele nenge pamwe oyo kathimbo okafupi kowala?

Oh, tuuva tse aanona, opo tu koke nuuna twa ningi, aakuluntu tu kale mboka tatu etapo sha moshigwana, kokutya ta tu kaleke omudhingoloko gwetu  gu li ehala ewanawa noku kalwa.

Omuwa omuholike ino tu etha tu koke oongo aantu ya kana mboka ye li mehala pwaana ngoka a hala oku kala mo.

Omuwa gwetu tu yelithila uuyelele woye, wu kale olamba nonyeka yetu opo oshigwana shetu shi taambulule oohedhinkalelo oombwanawa ndhoka shali sha kanitha.

Tu kwatha opo tu kondjithe iinima mbyoka noombepo ndhoka oombwinayi dha hala oku hanagulapo oonakuyiwa yaana yetu noyepipi ndyoka tali ya.
Omuwa gwetu tu uva, tuwilika, tse otuli kohi yesilohenda lyoye, tu silohenda.

Tupa ombili, tu pitika opo tu topolelathane enyanyu naaholike yetu peha lyokutopola oluhodhi nomahodhi.

Tu uva Omuwa gwetu. Amen

LEAVE A REPLY

Please enter your comment!
Please enter your name here