Egandjo lyomapapa mOshikoto

0
342

KuMaria Namupala

 

ONAYENA – Oshiwike sha ziko moshitopolwa Oshikoto omwali mwa ningwa oshituthi shegandjo lyomapapa kwaamboka yegi ilongela, esiku enene mOshikoto oshoka oya li taya tyapula uuwanawa mboka ya adha uuna tashiya ponkatu yElongo mOshitopolwa.

Omupeviminista gwElongo, Silvia Makgone ngoka a li a popitha aakwashituthi, atsu aalongi omukumo opo ya longe neitulomo, yo ya opaleke oonkalamwenyo dhuunona noku dhi tula momusindalandu oshoka owo onakuyiwa yoshilongo.  Te ya tsu woo omukumo ya ninge omalunduluko kiinima mbyoka inayi opala, oku yi eta ponkalo yi li hwepo, ta tsikileko ta ti Elongo olyo oshipatululo shonkalamwenyo, nuuna aantu inaya longwa nena oshilongo itashi mono ehumokomeho noompito dhiilonga otadhi kala dha shonopala.

Osikola ya Reverend Juuso Shikongo ndjono yi li mOshikandjohogololo Omuntele opo ya totelwepo, ashike oyi li tayi eta uuwanawa moshilongo.

Oskola ndjino nayo oya pewa omapapa ogendji omolwa epito lyayo sho yili yimwe yomooskola ndhono dha longa nawa noonkondo nonande yo ompe mElongo oyili yi itulamo. Aalongi oyendji yokosikola ndjino oya li nayo ya pewa omakopi molwa okulonga kwawo nuudhiginini, nomukuluntuskola gwawo, Pinehas Ekongo okwali a mono woo ekopi lye.

Omukuluntu gwelongo mOshikoto, Lameck Kafidi okwa ti ye okuna elalakano ando opo oosikola dhe adhihe dhi pitithe aanasikola ayehe pwaa kale nando ogumwe andopa na oku wete kutya monakuyiwa kapuna okanona taka ka kala ka ndopa, oyena ku longela kumwe opo ya taandelithe uuwanawa welongo moshigwana.

Esiku ndyoka aantu oyendji oya kala yeli tegelela na oya kala ye wete itaa li thiki, oyendji oyali ya kongoloka koombinga noombinga okuya ya ninge oombangi kwaamba ya pewa omakopi oshowa oonzapo. Aakuluntuskola, aakuluntuwiliki yElongo, aalongi , aavali oshowo aanasikola mbono yeli oongudhi dhokomongula oyo yali ookadhenga mesiku ndika.

Omapapa ogali ga gandjwa okuza ngaa koosikola adhihe dheshi pondola ku adha esindano sigo okwaandhi dha kambadhala.

Naemi Amuthenu okwali amono otyeke yoodola 850-00,omakopi ogendji molwa oku longa kwe nuudhiginini, Naemi okwa hokololwa onga omwiitulimo miilonga ye yesiku oshoka oshikandjolongo she Onathinge osho shili dhingi sho sha longa nuudhiginini no sheya ponkatu yotango sho sha dhengemo oosikola adhihe mOshitopolwa sha Shikoto.

Anna Ilovu ngono eli mondondo onti11 ngashingeyi po Heroes Private School , oye athigipo ayehe mekonakono lyondondo onti10 omumvo gwayi naye okwa li a pewa otyeke yoodola 850-00, omakopi nayilwe mbyono eyi nuninwa koohandimwe.

LEAVE A REPLY

Please enter your comment!
Please enter your name here