Kuku Nkandanga a pititha “Omulumentu”

0
1558

WINDHOEK – Oalubuma ya Kuku Nkandanga ontihamano tayi i thanwa Omulumentu, oyi li onga ta yi inyenge nawa mewangandjo lyaNamibia unene tuu moNooli yoshilongo, nomoshilando oshinene shaVenduka. 

Oalubuma ndjika ompeempeka no tayi dhana onkandangala oya pitithilwe oshiwike shayi na oyi na ehwata lyoongalo 15, moka oongalo odhindji dha ikwatelela komuthigululwakalo gwAawambo.

Moalubuma muka Kuku Nkandanga okwa imba nomuhikingalo pamwe naye, Nakale yaNakale ngoka a tseyika nawa noalubuma ye Kumaida ya pitile omvula 2011. Nakale yaNakale okwa imba nee pamwe na Kuku Nkandana mokangalo ta kati Hileni, kena etumwalaka ewanawa lyuuka kaakadhona unene tu mba yeli mepipi lyo ku fukala oshowo koondjokana dhonena. Okwa kwathelwa woo kuTequila naJ-Kambo mokwiimba oalubuma oyo tuu ndjika.

Oalubuma otayi adhika oshilongo ashihe.

Kuku Nkandanga ota ti ne omuthigululwakalo na gu simanekwe go na gu yambulwe po momukalo kehe aantu taa vulu, oshoka oshilongo shaana muthigulwakalo osha fa osheendo shatumba shaana mpo sha thinda.

Okwa gwedha po ishewe ta ti, uuteku maagundjuka otawu kana molwa odhino nelyatelo pevi lyoonkulunkedhi dhooyinakulu.

“Oohungi momagumbo ihadhi ningwa mo we onkee aahikingalo yakwetu tuningeni oongalo tadhi tungu  opo tu pukulule oshigwana okupitila momainyanyudho geli ngeyika,” Kuku Nkandanga ta ti.

Oalubuma ndjino otayi opalele woo natango omapipi kehe nota shikala oshiwanawa opo kaaholi yoongalo dhomithigu-lulwakalo yiimonene okaCD kawo. Kuku Kandanga ota holola wo eyiyuvo nayo kaalumentu aaNamibia sho yiininga okiinahenda nokudhipaga aaholike yawo no ta indile ya kale aalumentu yena oshisho naaholike yawo oshoka iiningwanima mbino otayi shundula ongushu yaalumentu moshigwana.

 

Ku Pinehas Nakaziko

LEAVE A REPLY

Please enter your comment!
Please enter your name here