Mavinga Enterprises momeya omapyu

0
315

KuNuusita Ashipala

 

OSHAKATI – Omunangeshefa mwene gwongeshefa Mavinga Trading Enterprises moshitopolwa Oshana okwa holokele mompangu ya Mangestrata mOshakati komeho gaMengestrata Helena Ekandjo oshiwike shayi taya tamanekelwa ekengelelo.

Omunangeshefa nguka gwomimvo omi 54, Paulus Fabianus opamwe nomufekelwa omukwawo omukwashigwana sha Zimbabwe, Fredy Zvanga oya li ya kwatwa pehulilo lyomwedhi gwa yi sho aniwa ya taaguluka okatokolwa 91 koVeta yiifendela. Shika oye shi ningi aniwa sho ya kengelele Oshikondo shIimaliwa moku shi kanithila oodola oomiliona hamano uule wethimbo lyomimvo mbali.

Ota ku tiwa Fabianus na Zvanga oya kengelele  Uuministeli Wiimaliwa okuza omumvo 2010 -2013 aniwa sho ya gandja oombapila dhoku ulika kutya yo oha ya longo nawa momeho goshikondo shIimaliwa. Ihe nani omishangwa ndhoka kadhi shi dhokolela. Omishangwa odho tuu ndhoka aafekelwa mbaka oye dhi gandja woo aniwa komalelo goodoolopa yaShakati, yaNgwediva noshowo kehangano lyokuwilika Oondjila moshilongo opo ya pewe ootendela nenge iilonga.

Oshikwawo aafekelwa mbaka oya gandja aniwa  omauyelele taga pukitha, naangaka ota ga taaguluka nenge ga tsondumbo noshitopolwa 91 shOveta yIifendela  onti 24 yomumvo 1991.

Fabianus okwa pewa iifutilemo noN$100 000 mondholongo, shampa ashike ta kala kokule naapolisi mboka taya konakona oshipotha shika. Omufekelwa omukwawo,  Zvanga okwa pewa oku ifutilamo no  N$10 000 shampa woo ye itaa idhopo mo mekonakono ndika tali ningwa kaapolisi. Nguka okwa lombwelwa woo a gandje opasporta ye kopolisi.

Zvanga okwa pulwa woo opo a indile epitikilo lyo pa mushangwa oku za komunambelewa omukonakoni uuna a hala oku za mo mOshakati.

Epangelo olya li lya kalelwapo komweeti gwiipotha, Leornard Tjiveze niihokolola yaa mbaka oya undulilwa komasiku ga 4 August 2014 omolwa omakonakono taga tsikile.

LEAVE A REPLY

Please enter your comment!
Please enter your name here