MOhangwena otamu ilikanenwa yoo oiponga yomeendjila

0
216

ONGWEDIVA – Ovahangwena, inava ilikanena ashike omadipao ovakainhu, ndele ova ilikanena yoo oiponga yomatuwa.

Paendjovo domufita wongeleki yaAnglican kOnekwaya yokouninginino Filliphus Hainane, eilikano inali tala ashike omadipao oshiningilewina ovakainhu, ndee ola tala ehenuko loiponga ha yeetifwa koukolwe, onhapo yoshidudu, okulixupula, nodino yomadildiliko omeendjila.

Pauyelele wa yandjwa komunambelewa omupopili ko wopolifi moshitukulwa shaHangwena Sisante, Abner Kaume Itumba, neudo moshitukulwa shaHangwena omwa ningwa oiponga yomatuwa 19  mwa fila ovanhu 12. Oiponga i nyanyalifa oya ningwa moshitauwa Okongo- Onhuno mokati koiponga mu na oiponga i nyanyalifa ngaashi shopoKatope osho sha twaalela eemwenyo dovanhu vatatu, vavali ovaEenhana vomeumbo limwe nakufya mukwao Omundobe . Natango oshiponga shikwao shi nyanyalifa, osha twaalela ovanhu vatatu poMakilindidi pokati kOndobe noNhuno kexulilo laFebuluali. Ovanhu aveshe kumwe omulongo navavali, ova xulifa moiponga yomatuwa muJanuali naFebuluali.

Momwaalu oo inamu kwatelwa ovo va lyatwa ilo va ngwadjulwa koihauto tava tauluka peenhoolo da yooloka moitauwa yomoshitukulwa, ya ningilwa ngaashi pomikunda Omafo, Okongo, Omakangha nopoHamupulungushu. Omwaalu waaveshe va lyatwa ile va ngwadjulwa moitauwa yomoshitukuwla Ohangwena owa fika povafi 12.

Odula ya dja ko moshitukulwa shaHangwena omwa ningwa oiponga yomatuwa 17, omo mwa fila ovanhu 30, omanga ovanhu 34 va mona oiponga. Kombinga yomadipaafano pokati kovalumenhu novakainhu, moshitukulwa shaHangwena, omwalopotwa oibofa omo ovakainhu vavali va tuwa kovalumenhu vavo. Moiningwanima ei omwa kwatelwa omukainhu wokOhadiwa kOngenga a tuwa lwoikando ihetatu, na umwe wopEtenda laNgha oo a tuwa lwoikando iheyali kumwene.

Omuvalu ou, ouli xwepo okuyelekanifa nomo 2013, omo ovanhu vahamano (ovakainhu vatano nomulumenhu umwe) va fila momadipaafano oludi eli.

Mafiku aa, ovakwateli komesho veengeleki ngaashi Katoolika kaRoma, Anglican, noELCIN ova shakena va kundafane  elandulafano lwokwiilikanena omafyo eheshi opashito a duka moshitukulwa shaHangwena. Omutumba ou owa kundafana opo omafiku Maalitsa 16, 2014 a kale efiku la wedwa kwaali lopashiwana la liko onghela, opo ku ilikanenwe oiponga oyo ya duka moitauwa yomoshitukulwa.

Eshi osha hangwa sha longekidwa omanga omupresidente Hifikepunye Pohamba ina ingida ku ningwe eilikano loukumwe moshilongo olo la li ko onghela, peenhele adishe, moshilongo ashishe, pamwe oshiwana tashi lundulula.

 

Komutoolinghundana 

LEAVE A REPLY

Please enter your comment!
Please enter your name here