Ookalayamupombo tava vake nedina loSwapo

0
161

ONGWEDIVA- Ookalyamupombo moshitululwa shaKunene, ova vaka eengobe dongushu i fike poN$250 000, odo va heka komunafaalama tava ti ove di tumwa koSwapo. 

Komishina mopolifi yoshitukulwa shaKunene James Ndeura, okwa koleka kutya ovalandi voimuna  moshitukulwa shaKunene ova longifa edina laHamushangandjai woSWAPO Nangolo Mbumba  va vake eengobe dili 25, pofaalama yedina Wildevrede moKamanjab.

Komisina  Ndeura ta ti, eembudi oda kengelela mwene woimuna, demulombwela kutya Mbumba okwe va tuma eengobe 25, komunafaalama Jannie Louw, opo ombelela i ka longifwe poshoongalele shoSWAPO.

Louw okwa lombwela opolifi yaKamanjab kutya okwa itavela a yandje eengobe shaashi ovalumenhu ovo va ila eengobe ovemulombwela kutya, Hamushangandjai woSWAPO oteke ya e mu fute konale.

Eshi Louw aka dimbulula kutya okwa tulwa mokatoo, okwa ka lopota kopolifi yaKamandjab ei ya patulula oshibofa shonomola 02/03/2014. Elao linene eengobe oda ka hangika tadi landifwa pomaulikilo okulandifila oimuna mOkahandja, omo opolifi yedikufa nokudi shunifa kumwene wado.

Omafiku kamale eshi kwa lopotelwe kutya eembudi oda kotokelele omunafaalama womoGrootfontein moshitukulwa shOtjozondjupa oufita weengobe dili 24, de mu lombwela kutya oda tumwa koministeli yOshikondo shovanyasha, omaudano nomifyuululwakalo Jerry Ekandjo ou te ya a fute. Etata loimuna  oyo ola monika.

 

 Komutoolinghundana 

LEAVE A REPLY

Please enter your comment!
Please enter your name here