Oshigongi sho SWAPO mEembaxu

0
200

EEMBAXU – Moshikandjohogololo Ondobe omwa li mwa ningwa oshigongi sho Swapo momasiku 22 gomwedhi gwa ziko , shono shali sha kalwa kaanamukunda naaleli yopamuthigululwakalo.

Elalakano lyoshigongi oku ikunda ashike ehumokomeho nomauwanawa gongundu tayi pangele.

Omunangeshefa omunene gwomaanangeshefa yomoshilongo shetu, Martha Namundjebo Tilahun  oye ali omupopi gwesiku.

Okwali a tsu aagundjuka omukumo opo ya kambadhale yi ilongele ku yo yene, yo ya yambulepo onakuyiwa yawo, yo naya simaneke oonkuluhedhi dhoshilongo shetu oshoka oshilongo shaana omuthigululwakalo oshafa olwendo lwa tumba ihe kaluna mpoka  lwa thinda.

Namundjebo ta tsikile noku pandula  ongundu mpangeli oshoka  otayi  longo noku eta omauwanawa moshigwana. Ta holola kutya konyala aantu oyendji ihaya ende we iinano iile oku ka konga omayakulo oshoka oga hedhithwa popepi nayo, nEpangelo olyi ipyakidhila ku andjakaneka oondjila oku thika moshitoplwa kehe.

Ta tsikileko noku gandja euvonayi lye, molwa omahepeko taga ningilwa aakiintu nuunona, ta holola kutya konyala kehe esiku omuntu owuna okuuva onkundana ombwinayi ngele hamukiintu a dhipagwa nena okanona ka ekelwahi. “Kalunga ina gandja omuele, ina gandja ndjembo,ekatana ,uutati nenge ekuya ndele okwe yapa elombwelo ya kale pamwe nokuholathana, yo ya kaleke evi nuushitwe waKalunga monkalo ombwanawa. Shoka sheenda mongaya  akwetu ano oshike,” ta pula ngaaka.

Okwa gandja etumwalaka opo aaNamibia ya longele kumwe, ya kalekepo ombili ndjono ya kondjelwa kaakondjelimanguluko noyendji ka tu ya na we oya tetekela muukwaaluhe. Ta indile opo tu kondjithe iimbuluma mbyono tayi teyapo onkalo yoshilongo shetu. Oshilongo kaashina onakuziwa itashi kala shina onakuyiwa onkee natu longeni nuudhiginini tse tu yambuliipo omahupilo goshilongo shetu.

Namundjebo kali owala ta tsu omukumo, okwali woo a gandja omagano kaakokele yomoshikandjohogololo Ondobe, okwa li eetele aakulupe omakumbatha geli 100, omatalashe geli 120 oshowo ooTivi(TV) dhili omilongo ntano (50) opo dhi topolelwe ooskola adhihe dhomoshikandjohogololo ndhoka dhina olusheno, wo uunona wetu wu kale noku tala shono tashi inyenge muuyuni oshoka owundji momikunda ka wu na omauwanawa ga gwana na iha wu mono shono tashi inyenge muuyuni.

Aanamukunda oya li ya nyanyukwa noonkondo molwa omauwanawa ye ga ningilwa no yali ya kwatwa kenyanyu enene oshoka Namundjebo okwali eende pamwe naanangeshefa ngaashi  Kambwa, Tomas Iindji na yalwe. Okwa li wo eende pamwe na Kansela gwa Katyali, Joseph Mupetami oshowo Joseph Kapya Endjala ngono eli Kansela gwaKaku.

Esiku olyo tuu ndyoka opwali woo pwa siikululwa ombila yomukondjelimanguluko ngono inaa tseyika kedhina ashike opo a fumvikwa pehala mpo pethimbo lyekondjelomanguluko.

Kansela gwOndobe Mandume Pohamba naye okwa pandula shono yena elongelokumwe naanangeshefa aaNamibia na oye li taye ya pe omakwatho, okwa indile opo ya tsikile nokuya yambidhidha mpono taya vulu ye Kalunga ne ya pe oonkondo oku longa iilonga yawo nuudhiginini nonoonkondo.

 

 

KuMaria Namupala

LEAVE A REPLY

Please enter your comment!
Please enter your name here