Ovakainhu vahapu moNamibia ove li moshiponga shokankera

0
188

WINDHOEK – Ovakainhu  vahapu moNamibia ova kanifa eemwenyo davo sha etifwa kokankera yokoshivelo shoshidalelo.

Ehangano ledina Cancer Asociation of Namibia (CAN), ola shiivifa kutya omivalu omuvalu wovanaudu vokankera otau  endelele. Mopaife omuvalu woihakanwa yokankera ou li po3092.

Ouyelele ou owa tumbulwa pedimbuluko lefiku lomukifi wokanker mounyuni la dimbulukiwa moWindhoek  Febuluali 26, 2014.

Okankera, oya tofwa mo koiwanayahangana ku fatululilwe oshiwana nghee omukifi ou wa nyika oshiponga, okuudifa  ko ovanhu nghee ouhaku u na ku tamekwa fiyo omunaudu a tameka ouhaku aushe.

Ehangano loundjolowele mounyuni hano o WHO, ola ongela omivalu dovanaudu voKankera mounyuni aushe, kutya ovanaudu vomukifi ou mounyuni aushe ova koya peemiliyuna 32,  keshe mudo otaku monika  ovanaudu vape vokankera ve fike peemiliyuna 14, omanga keshe efiku ovanhu 15 ilo 16 otava fi kokankera mounyuni.

Moilongo opo tai putuka ngaashi Namibia, omuvalu wovanaudu vomukifi wokankera ota u ende nokutana keshe efiku eshi oshiwana nasho tashi ende noku hapupala.

MoNamibia, omuyadi unene ovanaudu vomukifi wokankera yokoshipa, Kaposi Sarcoma, oKankera yokevele, yokoilyo yoidalifi yovalumenhu noKankera yokoshivelo shoshidalelo.

Omukalelipo wehangano loundjolowele mounyuni moNamibia Dr. Andemichael Ghirmay, okwa tala kutya opo ku yambididwe omukalo weyandjo lekwafo petameko, opo ku fikwe ponghatu yetameko louhaku, oku na manga ku xulifwa po omukalo wokunwa omakaya nomalodu moshiwana.

Ndokotola Ghirmay okwa indila  oministeli yoshikondo shouhaku Dr. Richard Kamwi i ulumike  etulo moilonga loveta yomudo 2010 ya indika elongifo loilongomwa ya dja momakaya meenhele daaveshe.

MuApiilili, Kamwi otaka tula moilonga oveta tai tulapo elandulafano loilongomwa yomakaya tashi wanifwa po shama va mane ku kundafana oshinima eshi novakwateli komesho voshiwana.

 

 

Komutoolinghundana

LEAVE A REPLY

Please enter your comment!
Please enter your name here