10 Bucks ta ka pititha My Love

0
190

WINDHOEK-Hamakali Heita Hatufiki Lukas, omvalele yomOnuno moshitopolwa shaHangwena oye mwene gwoTriple H.L Records, nokwa tseyika nawa koyendji nedhina 10 Bucks.

10 Bucks ogumwe gwomaalumentu aagundjuka mba ya tokola okuhupa noku pitila momaunongo gawo yene.

Ngashingeyi naye oku li omuiimbi gwoongalo dhoAfropop, Gospel, House noKwaito nokwa tamekele oku imba momumvo 2007, mono a pitithile okangalo ke kamwe Jaiva, ta kwathelwa kuPaxa, no ye kaningila koLowkey Records moVenduka. Okangalo haka okali kapiti  nokaVidio kako, noka monene omawi ogendji.

Mo2010, 10 Bucks okwali a pititha  oalubuma ye yotango yedhina Ekoma, ndjono ya pitile omvula ya zako. Moalubuma oyo tuu ndjika okwa imba pamwe naExit mokangalo taka ti, Alles is Nxa, noshowo Buju Katyoko mongalo tayi ti Tse Otwaya naKalunga Tate, eta imbi woo naPaxa mongalo tayi ti Opo veli apa.  Oalubuma okwe yi kwatela pu  kuume ke kopothingo Ndeu, mwene gwoNdexland Production mOngwediva.

10 Bucks otati okwa nyanyukwa sho elanditho lyoalubuma ye lya endele nawa oshoka etameko aluhe ohali kala edhigu. Ngashingeyi 10 Bucks okuli mOshakati a ipyakidhila noalubuma ye ontiyali yatengenekwa yi ka pite nuumvo.

Okwa ti paife otaka pititha okangalo kamwe mu Apili, taka ithanwa My love.

Ku Pinehas Nakaziko

LEAVE A REPLY

Please enter your comment!
Please enter your name here