Aakulupe taya pula ekwatho

2
203

OMUNTELE – Omukulupe gwoomvula 74, omunuulema gwomeho, yo nomukuludhi gwe oye li moluhepo sho ya thigilwa egumbo nuutekelu koyana mboka anuwa kaaye shi kutya oye li peni.

Tatekulu Stefanus Nehale, omukalimo gwomomukunda Ompito mOshikandjohogololo Omuntele, ngoka a tseyika nawa nedhina Kamwaina okuli monkalo tayi nyengathana, yo nomukulukadhi gwe nuutekulu wawo uyali, kamwe okena oomvula heyali nokakwao ntano.

Kamwaina ngoka ihaa monoko okwa ti oyana mboka yeli aagundjuka inaa ya halamo nande megumbo, yo ya kwathele, ta holola kutya ye keshi kutya oyana oya kala peni.

“Ngashi uutekulu wetu mbu tuli nawo katushi nokuli kutya yina okwa kala peni, nkene owali ayile muuyuni we anuwa okwa ka konga iilonga sigo onena ina galukila kegumbo nenge etu tumine ngaa nee oothewa.

“Okatekulu kandje ha  kayi koskola kaa kena omuzalo gwosikola ngu kali kena ogwa kulupa katu nawe sho tu na kuningapo, tse twa nyengwa ngaa nee komaluvalo getu ngoka twaa wete mpa geli,” ta gwedhako,” kuku Stafanus ta ti.

Nonande  ha kwata openzela, omukulupe nguka okwati oshidhigu kuye oku gwanithila aanegumbo lye iipalutha oshowo oku gwanithapo oompumbwe dhegumbo, oshoka oshimaliwa shoka osho ashike hashi ya mo megumbo. Kamwaina ta holola kutya oye owala ha eta mo sha megumbo oshoka omukulukadhi gwe iha kwata openzela, nuuna iimaliwa mbyono yopenzela ya pwapo aanegumbo mboka iha ya kala ye na po oonzo dhilwe.

“Openzela oyina iilonga oyindji, po kapu  nawe ando gumwe ta vulu okutu kwathela, onkene ohayi endepo owala okamukwikolo ngele nde yi kwata ashike ote pandula Kalunga nepangelo lyaNamibia oshoka ando ondali ihaandi kwata ando kiishi kutya otatu hupu ngiini anuwa waa pandula noyaka,” Kamwaina ta ti ngaaka.

KuMaria Namupala

2 COMMENTS

  1. Dіe Graphik ist meiner Meinung nach bei dieѕer Webѕite auf den erѕten Platz gerueckt, das
    stoert miϲh aber nicht, ԁenn ich mag gut gemaϲhte
    Webseiten

  2. Ԝiе viele Personen schreiben wahrhaftig diesen Weblog?
    Denn mir scheint es ab und zu, dass die Aufsaetze ѵeгschieden ցeschrieben worden sind,
    von mehreren Personen halt. Der Redestil ferner das Wortgut ist divergent.

LEAVE A REPLY

Please enter your comment!
Please enter your name here