Taya nyenyeta iikulya

0
189

ONAYENA – Aakalimo yamwe yomomukunda Iipanda moshikandjohogololo Okankolo mboka haya kwatele oshikukuta shawo pOthimbika, oya gandja omanyenyeto gawo molwa iikulya mbyoka ihaaya mono nonande omadhina gawo geli momambo gaambo haya taamba oshikukuta.

Salom Joseph gumwe gwomomukunda moka okwa holola kutya, oha taambelwa iikulya ye komukiintu gumwe pomukunda mpoka ashike iikulya mbyoka iheyi thikitha.

Ngele e yi pulwa ethimbo limwe oha ti owala oya kana nenge emu lombwele eke yi taleko ye mwene, ashike Salom nenge okuye kaandjawo yomukiintu aka taleko ando iikulya ye mbyoka anuwa ohe mu lombwele owala a galuke esiku limwe, oshoka anuwa mondunda mu ya patelwa oshipatululo kashi wetike.

Okwa holola okuuvanayi uunene ngaa sho kehe gumwe ha mono uushako woshikukuta, “elalakano ando oku kala ngaa ta kwatele ndje iikulya yandje oshoka thimbo limwe ngele aantu taya kwata oshikukuta ohandi kala ndili kokule na ite vulu okuholoka ethimbo olyo ndyo, tandi inekele nee ando omushiinda shandje ngame ndi adhe uusila wandje ashike mokugaluka kwandje oha lombwele ndje owala kutya uusila kawupo nenge negaluke nale, shino oshili unene ekengelelo kungame’’ Salom ta gwedhako nondjahi.

Omukalelipo gomukunda Iipanda Hafeni Kautwima, pamapulapulo okwa tumbula kutya yemwene omapopyo nuupyakadhi watya ngaaka okwe wu uvile ngaa kaakwashigwana taya popi “kandi shi sho shili muuyuni wonena, omuntu iinekelwa kumukwawo emu kwatele iikulya ye oshoka ita vulu kuthika ashike otayi holekwapo owala, shino oshili sha nika oshiponga noonkondo, oshoka iikulya ohayi gandjwa kepangelo kaakwashigwana opo yi ikwathele molwa onkalo yondjala moshilongo shetu,” Kautwima tati nga.

Kautwima okwa indile opo oshinima shika shimone ehulilo , oshoka otashi eta uutondwe moshigwana nomomukunda aguhe. Ta indile aakwashigwana ya longele kumwe noo komitee dhoshikukuta,yo ya gandje iikulya mbyoka kwaamboka yeyi nuninwa.

Okwa gandja woo etsomukumo opo ngoka taka adhika keehepo uuna oshikukuta shi ithana opo a inekele ookomitee dhi kale niikulya ye, ye eyi adhe uuna a gooloka hoka ali elalakano oku kondjitha uulingilingi.

KuMaria Namupala

LEAVE A REPLY

Please enter your comment!
Please enter your name here