Tuustar ta pula natango komeho

0
241

WINDHOEK-Omuhikingalo omuNamibia Nekongo “Tuustar” Ndatala okwati ohole yoongalo muye oyeya sho a putukile puhe ngoka a li ehole oongalo kamana kandongo.

“Ethimbo ndali omushona, tate okwali ha kala a shike ena uucd owundji megumbo woongalo dhomanyakwa ngashi Jackson Kajeua, Brenda Fasie, Lucky Dube, Don William, Oliva Mutukuzi naPeople’s Choice, oku popya po a shike yamwe aashona. Mokupulakena omaludhi ogendji goongalo dholudhi olwo tuu nduka onda ka kwatwa ihe kohokwe yo ku imba oongalo,” Tuustar ta ti.

Momumvo 2007 okwa sikola kosekundo sikola ya Otjikoto mOshomeya, nosha ka kala enyanyu enene kuye oshoka okwali eshishishi nale kutya mOshomeya ota monenemo oompito oombwanawa dhoku imba.

Momumvo omo tuu moka, okwali a tameke nokundanisa noku imba mosikola yawo, pamwe naanaskola ooyakwawo ngaashi Fransisco na T-Kay Zoge.

Momumvo 2010, oya imbi ongalo yawo yotango tayi ti Checka Kefimbo pamwe namwayinamati Salom Nekongo Shotlam, yekaningile koTSB Record mOshomeya. Okuza mo2011, okwa tokola a imbe oye a wike oshoka shidhigu ihanyenge mwene. Okwa kala ta longo nuudhiginini sigo a pititha okangalo ke kamwe ha ka ta ithanwa Make It Rain.

Mongashingeyi Tuustar okwa pititha natango ishewe uungalo uuyali ngaashi Learn on me naTuustar. Uungalo mbuno okwali ewu kwatitha kOmutufu Record, kuDj Namupala kOmungandu gwaShigwedha. Otati ye ohaningi omaludhi agehe goongalo ye okuna woo ondjodhi onene yokufala pombanda ehangano lyoongalo lyaNamibia, a shike oshimaliwa osho hashi kala aluhe omukundu omunene kuye.

Okwati otashi ka kala enyanyu enene kuye  uuna a mona omukwatiketi ngoka ta ka wilika oongalo dhe. “Aahikingalo mba opo ta tuya tulongeni nuudhiginini oshoka noyokonima omoshigunda ngaa yuuka, naamba aanene oko ngaa ya za mpa tuli ngashingeyi,” Tuustar tati.

Ku Pinehas Nakaziko

LEAVE A REPLY

Please enter your comment!
Please enter your name here