Gumwe a tsuwa nombele

1
309

KuMaria Namupala

 

Onayena – Omulumentu goomvula omilongo ndatu na ndatu (33) Simon Mateus, okwa mono oshiponga sho a tsuwa nombele komukiintu gwe ngoka ena naye uunona wuli une (4),  aahokanathani mbaka oyena egumbo lyawo momukunda Uuyoka moshikandjohogololo Onayena.

Oshiningwanima shika osha ningwa momasiku 17 gomwedhi nguka, pethimbo lyokwa toka lela sho omukiintu nguno a tsu omuholike gwe nombele montulo sha ningilwa puundunda mbono hawu ithanwa Uupate mopate  ndjono yu uka kOnayena.

Simon ngono a tsuwa nombele kohonda ye, okuli ta mono epango moshipangelo shaNandjokwe,  Okwa hokololele oshifo shika kutya hasho shotango ta monithwa iihuna komukiintu gwe nguka, osha kala ngaa uule nethimbo nolundji okwa kala noku shi lopota kopolisi.

“ Ondina ngaa nee uutile mongashingeyi oshoka kandishiwo pamwe okwali a hala nenge oku dhipage ndje, olundji oha dhenge ndje noku monitha ndje oshiponga, ngaashingeyi uunona megumbo kawumo otwe wu tembudhamo oshoka oha kambadhala ku wu dhenga uuna anwa omalovu ” Simon ta popi eli mombete ye yuuwehame.

Simon otati oyali ya ka shinga nomuholike gwe ashike mbela omuholike gwe oye tuu nguka okwa li anwa omalovu noya tameke ku nyenyeta omukadhona okwa yi kegumbo , nokonima  sho a ka galuka okwa  kutha ombele nokutsa nee Simon ngo ashike ina tseya kutya ombele okwe yi kutha peni, okwa mono owala a pama nale noku falwa owala koshipangelo kwaamba ya adhika pehala olyo tuu ndyoka.

Omukuluntu gwopolisi ya Nayena Nathanael Haiyaka okwa kolekeke oshiningwanima shika kutya osho shili, na naku fekelwa moshiningwanima shika omukiintu goomvula 32, okwa tegelelwa a ka holoke mompangu omasiku nga molwa oshipotha shonkambadhala yedhipago. Haiyaka okwa londodha opo aakwashigwana ya longithe nawa omalovu noku kala yi ingambeka okunwa iikolitha ya pitilila. Ta indile woo ya yande elongitho lyiilwitho.

1 COMMENT

  1. Oshilengithi omukiitu monamibia otiningi iinima yafampoka, ngele inomuhala oshike inomuthigapo,ngoye utale ngele tekulandula?

LEAVE A REPLY

Please enter your comment!
Please enter your name here