Hafaneke omathano omawanawa nonando oku na uulema

0
172

KuNuusita Ashipala

 

ONGWEDIVA – Pius Shigwedha omvalele yaShikuku ngoka ta lumbu nuulema, enyakwa dhingi mo ku mbabeka omathano nomulungu.

Omunamimvo 28 ngoka a tseyika nawa nedhina Chakalaz okwa hokolola kutya okwa valwa nuulema ta holola wo kutya okwa kala e na ondjuulukwe yo ku thaaneka nokumbabeka manga omunona omushona gwepipi lyoomvula omulongo.  Okwa holola wo kutya manga e li mepipi eshushuuka lela okwa kala nokuthaaneka namumwayina gona pegumbo lyawo mpoka a kala mOshakati.

Enyakwa mo ku thaaneka olya hokolola kutya i hali vulu okukwata okakombe ho ka ha mbabekitha omathano noonyala nomolwaashono oha thaaneke noonyala kakele oha mbabekitha omulungu oshoka oha kala e na oshikakamo moonyala shono hashi imbi opo omathano ga kale omawanawa ngaashi tashi vulika.  Okwa gwedha po tati shaashi oha thaaneke nomulungu ethano ohali kwata omasiku gatatu nenge ga ne okupwa.

Shigwedha okwa holola kutya okwa tamekele okuthaaneka nokumbabeka momumvo 2012 mono a li athaaneke nokumbabeka omakuma goshikunino shuunona ha shi ithanwa Compu Kids mOngwediva momvula oyo tuu ndjoka.

“Oshikunino ondali ndeshithaaneke neikwato pomutima oshoka ondali  nda tila teti pamwe omathano ita ga ka zamo ngaashi sha li sha tegelelwa kaagandji yiilonga mbyoka oshoka kandali ndi na omukumo neyinekelo mungame mwene kutya ote vulu lela oku thaaneka.”

Konima yo ku thaaneka oshikunino, Shigwedha okwa holola kutya okwali a kwashilipalekwa kutya okuna omagano go ku thaaneka no konima okwa kala ti itungile uugumbo nkene ta ka thaaneka omathano ge nongaashingeyi Pius okuli enyakwa mo ku thaaneka omafana go ku leka komakuma nomulungu.

Mongaashingeyi okwa holola kutya komasiku go komeho okwa thaaneka a kale ta thaaneke omathano ogendji ngaashi tashi vulika opo a wape a kale te ga landitha moshigwana a mone iiyemo yokwiiyambidhidha noshowo yokulanda iilongwa mo yimwe opo kaahepeke omagano ngoka e ga pewa kuNampongo oshali.

Omuthaaneki kamana nguka okwa popi kutya okuna ehalo opo a mone uunongo wokuthaaneka oshowo okumbabeka ponkatu yo shiputudhilo omolwaashoka owala keena iiyemo ya gwana opo iifutile.

Shigwedha okwa kunkilile aanyasha mboka ye li momagumbo kaayena iiyemo ya dhilaadhile oonkambadhala dhoka tadhi vulu okuya zila iiyemo ta ti omutumba ethete.

LEAVE A REPLY

Please enter your comment!
Please enter your name here