Namwandi a indile aanaskola yiitulemo

0
210

KuMaria Namupala

 

Onayena – Minista yelongo David Namwandi, okwa kumike aanasikola yi ilonge nomukumo oshoka oyo oongudhi dhokomongula.

Omundohotola Namwandi okwa tsu omukumo aanaskola  yoondondo dha yooloka, ya yande omashongo ngono geya taalela, yo ya kale kokule nookuume aawinayi opo ka yeya nwethemo.

Okwa indile woo aalongi yiitulemo miilonga ya, yambulepo oonkalamwenyo dhuunona opo wu vule wu tseye uuwanawa welongo.

“ Onkalamwenyo oyili momake geni yene, longitheni nawa oompito mwedhi  pewa omagano omambo ogo naga kale ookuume keni aanene, ne tamu  kala nokusimaneka aakuluntu mbono oyo taye mu sile oshimpwiyu” Namwandi ta ti.

Aavali oyendji oya holola enyanyu enene , sho Minista Namwandi a tseyitha kutya  oosikola adhihe okuza mo2016 ita dhi ka futwa we , ota ku ka gandjwa owala elongo lyoshali.

Aavali moku uva ndhino oyali ya nyanyukwa noonkondo nokushi ulika noondigolo. Namwandi okwa tseyitha kutya ekonakono ndyono lyali hali shangwa mondondo onti10 otali ka kala hali shangwa mondondo onti 11 koomvula dhokomeho.

Namwandi okwa indile aavali ya putudhe aanona pamukalo guli mondjila, yo inaya longa uunona  oku kala pomahala gomanwino, “ Uuteku nawu tamekele megumbo, yo aalongi nayo koosikola taya gumuko ngaa noku putudhako , tse tatu tseyeni uuwanawa welongo”  ta gwedhako.

Ndhino okwe dhi popi pethimbo ta popitha aalongi naanaskola posikola Amunime mpono pwa ningilwa oshituthi shepito mOshikandjolongo shaNathinge.

Namwandi okwi indile aanasikola yoondondo adhihe ,opo ya longe nuudhiginini yo ya simaneke elongo.

LEAVE A REPLY

Please enter your comment!
Please enter your name here