Natu toteni iiyimbo tayi tungu oshigwana- Mineral naTanga

0
184

Ku Pinehas Nakaziko

 

WINDHOEK-Aamati yaali Shipanga Jason (23) a tseyika nawa Mineral naHaipinge Naftal (22) a tseyika nawa Tanga oyeli ayiimbi yomayimbilo taga tungu oshigwana pamwe.

Aalumentu mbaka inaya putukila pamwe ashike oya tsakanena koPara Shooting School kOshaanda momumvo 2010, moka yali ya mono kutya oyena uunongo tawu tsu kumwe ngele tashiya poku imba, noya tokola opo ya imbe oongalo dhawo pamwe noye shi tula miilonga mo2012.

Omvula ya zaki mo Kotoba oya pititha okangalo kawo kotango “Anna Mary”. Molwa okulonga nuudhiginini kwaalumentu mbaka oya pititha ishewe oalubuma yawo yotango omvula oyoo tuu ndjoka tayi ithanwa “Pamwe Inoshuuda” yi na ehwata lyoongalo omulongo (10).

Moabulma muka omuna uungalo tau tungu oshigwana ngaashi, Ituyeni koskola ta yakwathelwa ku IVovo, Epulo ta yakwathelwa kuTosh Tosh naahono ta kapopi kombinga yoHIV/AIDs taya kwathelwa kuDallaz.

Ohaya ningi oongalo dholudhi lwoKwaito, Afropop noGospel, elalakano lyawo okunyanyudha noku pukulula oshigwana oku pitila momayimbilo gawo. Oalubuma yawo oya ningwa kositudio yoMouzzy Domingo mOshaanda.

“Ngame nkene ndaza nale handi hiti posikola yaanona pOshigambo, onda kala ndina ohole yo ku imba naasho nda kaya kOmweshipandeka ondjodhi oya ende tayi koko, oshoka mosikola omwakala hamu ningwa iinyangadhalwa yomainyanyudho oyindji. Omukumo onde gu etelwa wo kuMahai, omulumentu ngoka ihaa shuna mpadhi monima,” Mineral tati.

“Kuume koye kushi siku ta valwa, nkene nda za nale ethimbo he sikola pUupumako sigo okEtalaleko onda kala ndina ehalo lyoku mona kuume ngoka tatu vulu oku imba pamwe naye, onkene monena Nampongo okwa pendje kuume kandje Mineral ngono hatu imbi pamwe naye ngaashi ngeyi” Tanga tati ngaaka.

Aamati mbano ota yati ne elongelo kumwe aluhe olyo ewanawa oshoka omunwe gumwe ihagu itombola, na, onkene ohashi kala unene oshiwanawa uuna aantu taalongele kumwe.

LEAVE A REPLY

Please enter your comment!
Please enter your name here