Oalubuma yaQuado, ta yi tanga omukokoli Peresidende Sam Nujoma

0
212

KuPinehas Nakaziko

 

WINDHOEK-Omuimbi omugundjuka Moses “Quado” Shikalepo gwoomvula 26, osho a pititha oalubuma ye yotango Move On, ndjoka ta yi tanga Omukokoli Peresidende, Sam Nujoma, oshiwike shika.

Quado, omvalele yomoKwanza-Sul muAngola.

Oongalo okwe dhi tameka mo2010 moka a li a tsakanene nomuningi gwomikwelengendjo dhoongalo dhe, a tseyika Mr. Chano. Quado okwati, Mr. Chano okuna ongulu yokuninga omayimbilo yili mOshakati, nokwa ninga oongalo ndatu dhili moalubuma ye ompe.

Okwa gwedha po ta ti, oalubuma ye oya longekidhilwa noya nuninwa Omukokoli Peresidende, Sam Nujoma. “Moalubuma muka otamu monika woo okangalo hoka ndaluka Dr. Sam Nujoma, keli ponomola ontimulongo (10). Pakuya muule kwandje, onda pandula omundohotola nguka pamwe nosipana ye kwaashihe etu ningila. Onde mu halele ishewe omwenyo omule kombanda yevi, ye a tsikile nokulonga nuudhiginini,” Quado tati.

Quado okwati, ota pandula woo omuningi gwomayimbilo ge omushona Young-T, ngoka emu kwathela noonkondo adhihe mokuninga omayimbilo ge omugoyi (9) taga adhika moalubuma muka.

Moalubuma muka omuna okangalo hoka ta ka nyuwitha omakutsi taka ithanwa Move On, kalukilwa edhina lyoalubuma, no ta kwathelwa kuOmusamane Niihana. Otati mokangalo muka ota popi kombinga yonkalamwenyo ye, ondjila ndjoka a enda, na nkene ali a mono iihuna, mokukoka kwe unene sho Tate gwe ali a hulitha momumvo 1996, manga ye ali omushona.

“Onda kambadhala oku ya kelako oothigwa oonkwetu kutya okukala othigwa kashishi ehulilo lyuuyuni. Okangalo hoka keli ponomola ontiheyali (7) ota kati “Oshike” oko kasimana unene oshoka otaka popi kombinga yomadhipago ngoka taga ningilwa aakiintu mongashingeyi,” Quado ta hulitha ngaaka.

LEAVE A REPLY

Please enter your comment!
Please enter your name here