Oospana yoTigers, BA na African Stars ayehe otaya kondjele epapa lyoliha

0
160

KuCarlos Kambaekwa

 

WINDHOEK – Kapwali iiningwanima inaa yi tegelelwa oshiwike shayi sho uudhano woliha yetanga lyokoompadhi wa tameke ishewe.

Oospana ndhoka dha talika odho tashi vulika mokati kadho muze omusindani gwoliha yoMTC Premiership, kokutya ospana yoTigers, Black Africa naAfrican Stars adhihe odha sindana omaudhano gadho nodha mono kehe yimwe iitsa yili itatu mokudhana ngaaka.Ndhika odha li dha dhana noospana ndhoka dha talikako dhanathangwa moliha, nomasindano ngaka oga egululile kehe yimwe yomwaandhika ompito yoku sindanapo uudhano woliha ndjika ngele oya hala.

Ospana yo Tigers oyili kombanda yomusholondondo gwoliha pamwe naandjoka yo Black Africa, sho yo ya dhengemo Civics nookoola 2-1 muudhano wa dhanenwa pokapale ka Sam Nujoma stadium Olyomakaya ga piti.

Ookoola dhoTigers odha tulwamo ku Nafatalie Petrus  noshowo komudhani dhingi mokutulamo ookoola , Benson Shilongo, omanga okoola yimwe ndjoka ya tulwamo ko Civics oya thangelwamo ku  , Llewelyn Stanley.

Ospana yo Black Africa ndjoka oyo yili pehala lyotango pamwe naandjoka yo Tigers oya hedha popepi noku sindana oliha ndjika iikando ine ya landulathana sho ya dhengemo ospana yo LHU Blue Waters nokoola yimwe ayike puudhano womapando gaali wa dhanenwa pokapale ka Kuisebmund Stadium Olyomakaya gapiti. Okoola yomudhani gwopokati Denzil Haoseb medhingoloko etiyali oyo ya yoolola oospana ndhika mbali pethimbo lyuudhano mboka sigo wa thiki pehulilo.Uudhano mbuka owa li wa dhanwa nokupangelwa kospana yo Black Africa ndjoka aadhani yawo oyendji ya li yadhana nokuhepeka oompito dhoku tulamo ookoola.

Muudhano uukwawo aamati yomepandaanda lya Tunschell kokutya ospana yo Ramblers oya dhengemo ospana yo Eleven Arrows nookoola mbali monola noku thindila pevi ospana ndjika yili moshiponga shoku shunithwa koshitopolwa shotango shuudhano wetanga lyokoompadhi moNamibia.Ospana yo Ramblers oya shuna ishewe komuthika gwayo omwaanawa gwoku tulamo ookoola unene tuu sho konyala pwa piti oshiwike shimwe sho ndjika ya li ya tulamo ookoola mbali mospana yokomunkulofuta yo Blue Waters. Ookoola odha li dha tulwamo ku  Clemence Awiteb na Kennedy Ihuhua.

Ospana yoAfrican Stars oyo ya sindana noku tulamo ookoola odhindji sho ya dhenge ndjoka yo Rundu Chiefs nookoola  5-0 muudhano mboka wa li kohi yepangelo lyayo ethimbo alihe.

Mbuka owa li wa dhanenwa pokapale ka Sam Nujoma Stadium mOlyomakaya woo.Omudhani gwokomeho gwoStars, Gazza Kazeurua, okwa tulamo ookola ndatu muudhano mbuka omanga ndhiyaka  dhimwe odha tulwamo ku Meraai Swartbooi na Boetietjie Seibeb kehe gumwe yimwe.  Muudhano wadhanwa Osoondaha ospana yo United Stars oya dhengemo ndjoka yo PC Blue Boys nookoola 3-0 pokapale kuudhano ka Rundu. Omutulimo gwookoola gwa United Stars, Alfeus Ngwezi oye a pitile tango omanga okoola oonkwawo oya ka tulwamo ku Edison Kauanivi’s nongeyi oya dhenge ospana hayi dheulwa kuDawid Snewe.

LEAVE A REPLY

Please enter your comment!
Please enter your name here