Omaliko gaMartha Nambahu ga hanagulwa po komulilo

0
167

KuMaria Namupala

 

ONAYENA – Omukalimo gomUuyoka megongalo Omulondo opamwe nuunona we uheyali oya thigwa pomutenya sho ondunda ye yokupungula ya hanagulwa po komulilo.

Omunamivo 35 Martha Nambahu ota hokolola kutya konima ashike yomasiku omashona ondunda ye mono a pungula iinima ye ayihe oyali ya pipo thiluthilu, na ina mu hupa nande osha. Meme nguno okuna uunona uheyali.

“Yakwetu omulilo nguno ogwa thigandje pomutenya , kandina posha uuthemba wandje awuhe owa pyapo opwa hupa owala uutandu wowala, oohema dhaanona dhosikola nadho odha pyapo otuli ashike monkalo tayi nyengathana no ka tushi nkene tu ninga,” ta ti ngaaka.

Martha okwa ti sho ondunda ye ya pipo megumbo ka limo okweya owala eshi adhe sho a gooloka, moku tala ehala okwa kwatwa koluhodhi ashike okwa pandula Kalunga sho inaa mu pila nande ogumwe.

Okwa indile eyambidhidho okuza moshigwana oshoka okuli monkalo yoluhepo ngashingeyi, a hulile ngaa nee muunyengwi.

Pauyemwene okwati oha kwata iimaliwa yuunona we wuli uyali mbono he gwawo a mana oondjenda ashike oomwedhi ndhino mbali ina kwata oshoka okamutse kopenzela nako okapyapo.

“Ondina ehalo oku longela ngono ena iilonga nota vulu oku pandje sha , ngame tandi yambidhidha oluvalo lwandje ndono talu nyenge ndje ngaashingeyi, yakwetu onda lulilwa oshoka pethimbo ndika otandi ka tamekulula okulanda kehe shimwe mono mwa kwatelwa nomizalo dhuunona.

Onda pumbwa oshimaliwa opo ndika konge uuthemba wandje wumwe noonzapo dhomavalo dhuunona, itandi vulu kweenda kolupadhi ondjila onde noonkondo,”  ta gwedhako.

Okwa indile ekwatho oshoka okuli monkugo yina onkambe, ye okwa pumbwa okuya koombelewa ye a ka mone omakwatho ngono a pumbwa.

LEAVE A REPLY

Please enter your comment!
Please enter your name here