Ondjodhi ya Candy

0
273

KuPinehas Nakaziko

 

WINDHOEK – Hileni Matheus a tseyika nawa Candy (20), ontana ya nelende lyuugwanga ndjoka yina oshipewa konyala miinyangadhalwa ayihe yomainyanyudho.

Candy okwa valelwa mOmungandu gwaShigwedha mOmbaye.

Mo ku putuka kwe okwa kala ehole okutala iinyandwa mbyono hayi ulikwa kooradio dhomuzizimbe, shoka shemu etele ohole onene yo ku dhana iinyandwa monakuyiwa. Kakele kwaashoka, Selma okwa kala woo ena ohokwe yoku kutha ombinga momathigathano guukadhona dhingi shono eshi tameke mo 2007 ethimbo eli mondondo ontiheyali (7) posikola yaDuinesig  nokwa kala teshi enditha nawa miinyangadhalwa yuukadhona dhingi sigo omo 2010.

Kakele kwaashoka, Selma oha kutha ombinga woo natango moodebate/moompata mono a li a kalelepo Erongo Region mo2010 methigathano lyopashitopolwa.

Mo 2011 okwa tsikile elongo lye kosekundo sikola yaNehale nokwa kalele po osikola oyo tuu ndjika kOshomeya moompata dhoshikandjolongo.

Mo 2012, Selma okwa sindana oshikoloni shokakadhona okatiyali methigathano lyOngha FNB Special Clash.

Candy okuhole wo okushanga, nokuna ondjodhi yokushanga okambo ke kotango ta ka popi kombinga yonkalamwenyo.

Omvula ya ziko okwali a mono ompito ombwaanawa opo a yambule po uunongo we wokudhana iinyandwa mono a kutha ombinga mokafeelema koshiingilisa kedhina “Cheating Husband”, kashangwa no ku unganekwa kuMax Musati noka dhanenwa mOmbaye nokeli ta ka nyanyudha noku pukulula aaNamibia, oshoka oka pitile omvula ya zako muNovemba.

Candy otati okwa nyanyukwa unene moku mona ompito ya tya ngaaka na okwa inekela ota ka ya pomuthika gwopombanda moku longa nuudhiginini nokunyanda moofeelema dhayooloka.

Candy okuli wo oshilyo shElombe Art Academy mono aagundjuka ya tula uukuni kumwe opo ya yambulepo omaunongo gawo gi ili nogi ili.

“Ohashi kala oshiwanawa okusimaneka uunongo woye nokulandula oshipewa shoye weshi pewa kuNampongo nonande etameko edhigu, onakuyiwa oyo yi na owino, onkene aagundjuka inatu dhineni iipewa yetweni,” Candy ta ti.

LEAVE A REPLY

Please enter your comment!
Please enter your name here