Oombadhi nomvula ondhigu mOmusati ya dhipaga omuntu

0
248

KuKakunawe Shinana

 

ONGWEDIVA – Omvula onene ndjoka ya li yi na oombadhi ya kala tayi loko moshitopolwa shaMusati oya kwata noku dhipaga omukiintu gwomimvo 50,  Olyomakaya ga ziko.

Thresia Maurinus Wonhomba gwomomukunda Oshixwa Shaluhole moshitopolwa  Omusati otaku hokololwa a kwatwa komvula Olyomakaya ga ziko omanga a li mondjila okuza kefumviko lya li pomukunda Onamatembu ngoka guli popepi nogwawo.

Okwa adhika aniwa a lala asa pehala mpoka a dhengelwa kolwaadhi.

Pahokololo lyaangoka a mono shoka shaningwa pethimbo omvula ya li tayi loko, omvula oya tameke tayi loko tayi nyaganya komatango na oya tsikile tayi loko ngaaka pethimbo nguka a mono nakusa ta ende mondjila yi li konima yepya lye.

“Onda li tandi tala tala koombinga noombinga nda nyanyukwa sho omvula ta yi loko, onkene onda ende nduuka mepya, no nda mono ihe omukiintu omukokeIe nguka ta  ende, ihe  inandi itulamo oku tala kutya oku uka peni na onda tsikile naashoka ndali tandi longo.

Opo ohaluka onda uvu omapolokoto omakumithi taga inyenge lwaahoka  kwali taku ende omukulupe ngoka, onda mono olwaadhi ndoka lwa dhenge omiti mpoka nda mono tapu ende omukiintu ngoka. Konima olwaadhi olwa mwena.

Onda matukile komiti hoka na onda adha omukiintu ngoka a lala itaa inyenge.

Onda dhengele opolisi ndjoka ye ya, noya ti kutya omukiintu nguka okwa mana oondjenda,”osho ombangi ndjika inaa yi hala okutumbulwa kedhina ya hokolola.

LEAVE A REPLY

Please enter your comment!
Please enter your name here