Ovakwaneongalo laKongo va tunga ongeleka ipe

0
456

Komutoolinghundana

 

ONGWEDIVA – Ongudu yova-fitaongalo vomoshikandjongeleki shokoushilo nouninginino mewiliko lomubisofi woshikandjongeleki shokouninginino omundokotola Veikko Munyika, oSoondaxa yadjako oya  udila omambo metungo longeleka ya yapulwa  komubisofi Munyika  moKongo moshikandjohoololo shaKongo moshitukulwa shaHangwena.

Etungo longeleka ya ELCIN, loilyo yovakwaneongalo ve dule pomayovi ahamano, molwa  ofina mongeleka eshi oilyo ya enda nokutana etungo ola fanekwa ku tungwa  mo2000, ola tamekwa modula 2012  komutungi Willem Haipinge K K K  la fikamifwa po ko N$600 000 tamu wana ovanhu ve dule po300.

Nande vahapu natango onghee tava twikile nokuyambidida ketungo eli, ovakwaneongalo, ookaume keongalo novanangeshefa moshitukulwa shaHangwena nokeembinga dikwao doshilongo, onghee tava twikile nomayambidido.

Nande haye aeke kafela, omunangeshefa omuChina Chen Guanjie weengeshefa Haicang Property cc, Zhong Min Lighting cc, Minjiang Trading cc noMinlong Trading cc okwa  yandja N$10 000.

Kakele komunangeshefa womoshitukulwa shaHangwena weengeshefa doSpecial ou a tenheka po odopi, ovanangeshefa oohandimwe  ova eta ookaume mokuxwaxwameka omukalo weongelo loshimaliwa.

Ovakwaneongalo va landifa eengobe di dule hamano, va ninga omatelekela nokulandifa oikulya mokwoongela oshimaliwa shetungo.

Ovakwaneongalo novaenda va dja keembinga neembinga, ova li eembangi poshivilo shondjokonona yeongalo lotete lakula la li la shiya moushilo, la dja mOmundaungilo moshitukulwa shaHangwena ,omo mwa dja omaongalo Oluwaya nEkoka.

Osinagoga ya totwa kokangudu kovakriste vaniingholi vey a mofuka va dja kEenhana moshitukulwa shaHangwena, ova li hava ongalele momuti wOmupanda okudja muSeptemba  20, 1953, oule womido heyali osinagoga  oya kala ondjakulwambinga yeongalo Omundaungilo, oya dikwa mewiliko lomufita Joshua Hanjango, fiyo eongalo la dikwa 1960.

Ongeleki yotete oya tungilwe noikonde  yomiti domomudingonoko oya uvilikwa noihati nomwiidi, eshi ya tulwa oipeleki oya yapulwa 1980

Konima yefyo lomufita omutoti weongalo Joshua Hanjango, eongalo ola yakulwa kovafita Timo Hameva, Leonard Shanhilifa, Werner Shangheta a fya  moshiponga shetopo loboma pamwe novakwaneongalo laye 17 muKotoba 1978, Paulus Andreas, Josia Mufeti naJulius Ndevahoma.

Ongeleka ipe oya tungwa pomunghulo wongeleka ikulu ya umbilwe  keembulu pefimbo loita noipeleki tai ningi eembululu. Ovatumwa ovaSoomi ova kwafela moilonga yepyatumo moKongo nokEkoka okweeta ovakwanghala peendjovo daKalunga.

LEAVE A REPLY

Please enter your comment!
Please enter your name here