Uudhano wekopi lyoBidvest tawu tsikile

0
173

Ku Otniel Hembapu

 

WINDHOEK- Uudhano wekopi lyoBidvest Namibia Cup owa tegelelwa wu tsikile sho oospana ndhoka dhili medhingoloko etitatu okuya kwaandyoka lya hugunina muudhano mbuka uunene dhili meilongekidho okukondjela omahala medhingoloko etitatu oku ya pehulilo lyuudhano ano okotafainala. Omaudhano methigathano ndika oga longekidhwa ga ka kaleko momasiku 4-6 gApilili, pokapale inaaka tseyika natango. Medhingoloko ndika ospana yo Black Africa otayi tsakanene naandjoka yo Tura Magic, ndjoka pethimbo ndika tayi dhana nawa okatanga kokoompadhi nuunyakwa. Uudhano mbuka okwa tegelelwa wu ka uthe ngele Black Africa ota ka tsikila komeho melalakano lye okusindanapo ekopi ndika.

BA okwa tokola opo a ye komeho uuna uudhano mbuka tawu ka dhanwa unene tuu sho ospana onene yomoKatutura yi ihulile okusindana uudhano mbuka  omumvo 2004, onkene ayehe oya ligamena komudheuli Brian Isaacs oku tala kutya ondundu onde ndjoka a taalela oteyi londo ngiini, unene oku shi talela moshinakugwanithwa she ongo enyakwa lyoliha pethimbo ndika ndyoka tali kondjo oku gamena oshishani shalyo noshowo oku kambadhala oku kuthako ekopi lya Bidvest Namibia.

Oku shitalela momusholondondo gwospana pombapila , Isaacs okuna aadhani aawanawa opo avule okusindana uudhano mboka . Ena aadhani yoo Awillo Stephanus, Brian Bantam, Marco van Wyk, Emilio Martin, noshowo omutseyinawa guudhano Da Costa Angula no itatu dhimbwako omutulimo gwookoola Roger Katjiteo,mbaka otaya vulu nuupu oku tokola oshizemo shuudhano.

Ihe ino dhimbwa kutya Tura Magic oyo eli enyakwa lyekopi ndika nuumvo na ye wo okuna ondhilo okugamena na onkene okwi ilongekidha okugandja ashihe shoka ena opo  ye a ye  sigo opehulilo mokusindanapo ishewe ekopi ndika lyo Bidvest Namibia ngele nena shika otashi vulika. Unene tuu sho ospana ndjika ngele osha talikila momaudhano ngoka ya dhana omasiku ngaka nkene tayi shi enditha nawa unene uuna ya dhana noospana ndhoka dhi wetike odho tadhi kondjele oliha mokati kadho.

LEAVE A REPLY

Please enter your comment!
Please enter your name here