Yakwetu tu popileni otwa lulilwa

0
256

KuMaria Namupala

 

ONAYENA – Aakalimo yomOmutsegonime oyeli yu uvite nayi molwa onkalo yomoshikandjohogololo shawo.

Pandeni Festus gumwe gwomaakalimo yomOmutsegonime okwa gandja enyenyeto lye koshifo shika, ta holola kutya ye pamwe nayamwe yomoshikandjohogololo she ka ye uvite ombili, oshoka ita ya tyapula omauwanawa gepangelo, ngaashi ta shi ningwa kaaNamibia yalwe.

“Otwa lulilwa na katu shiwe kutya natu ninge ngiini, nande owu kale to gandja omakemo nenge uudhigu woye ito mono eyamukulo lye ku opalela, momukunda gwetu otuna uupyakadhi womeya ohatu ende iinano iile opo tu mone omeya, katuna uupomba wuli popepi,” ta ti nga.

Festus okwa gwedhako tati konyala momukunda gwawo naandhi dhili popepi iha ya mono omayakulo guunamiti nuuna pu na ngono ega pumbwa okuna ashike okuya kOmuthiya nenge kOshivelo, hoka  haya pumbwa oku futa olefa shagwana oshoka oko kule. Taya tsikileko kutya ngaashi oomeme mba ya tegelela ohaya mono iihuna uuna ethimbo lyokupulumutha lya thika na okonyala oyendji haya monene uunona wawo momagumbo shono ye wete sha puka pethimbo ndi lyonena. “Kansela nenge otu mu tseyithile omikundu dhetu ihe tu yamukula , katushi nokuli kutya oku lilepo shike ota longo owala mbela koombinga dhimwe, nenge owuye mOmutsegonime to pula  aakulupe ngele oyeshi kansela oyendji konyala ita ye ku lombwele kutya olye, iha endeko nande koombinga dhetu huka ohatu mu uvu owala” Pandeni ta ti.

Kansela gwoshikandjohogololo Omuthiya, Armas Amukoto pamakwatathano okwa holola kutya ina uva nande omukundu nenge uupyakadhi watya ngeyika.

“Kombinga yomeya kOmutsegonime ohaga pata olundji otuli miilonga oku gwedhela opaipi yomeya ndjono yuuka kOshivelo go ga wape ku kala itaa ga patawe olundji, kombinga yokapangelo otatu tala monakuyiwa kutya tatu ningi po ngiini, ” Amukoto ta ti nga.

Amukoto okwa gwedhako ta ti aanamukunda yamwe kayeshi kutya oyeli miikandjohogololo yini, oshoka opwali omananathano poshikandjohogololo Eengodi naashoka shOmuthiya.

LEAVE A REPLY

Please enter your comment!
Please enter your name here