Iilonga yaKappa pomuthika gopombanda

0
304

KuPinehas Nakaziko

 

WINDHOEK – Andreas Nakandangwa a tseyika nawa Kappa, omukalimo gomOshakati shaNangombe, namwene gwehangano lyoKappa Film Production (KFP), ndyono hali thaaneke konyala uufeelema wiinyandwa yOshiwambo, nosho woo iituthi ya yoolokathana moNooli yoshilongo.

Kappa okwa tamekele okuninga uufeelema okuza mo2010 mono a ningi okafeelema kotango kedhina Love Story shono tashiti, ehokololo lyohole,  keholike unene kaagundjuka konyala oshilongo ashihe, omolwa elongo netumwalaka ndjoka lilimo.

Okafeelema Love Story oka dhanwa komudhani guunyandwa a tseyika Mushiwagala no ke na ngaashingeyi iiluku, ano iitopolwa itatu (3), nehokololo lyako onkene tali hokitha.

Kakele kokafeelema Love Story okwa ninga ishewe natango uufeelema  uyali tau ithanwa From Thug Life to Born Again naAawambo Muliwa, mbono natango wuna etumwalaka ewaanawa.

Okwa kwathela woo muufeelema owundji, oku endukulula omapuko noku wu fatulula melaka lyopambelewa, oshoka konyala auhe owa dhanwa mOshiwambo.

Kappa oha ningi wo uuviidio woongalo osho wo oku hiilitha omambako piituthi yomaludhi kehe, noyendji oya tseya nawa ongushu yiilonga he yi longo pamwe naaniilonga ye.

Aahikingalo oyendji oye mu tseya molwa ongushu yuucd mbu ha nduluka.

Okutameka omvula ya zako, okwaningi uucd woalubuma dhaahikingalo ngaashi Dazzle, 10 Bucks, Adolfy, Lukas, Kashushu, Tsempo, Mineral naTanga oku tumbulapo ashike yamwe.

Kappa otati pombutu putsuwa ehunda, oshoka iilonga ye ngashingeyi oyili pomuthika gwadhenga mbanda.

“Shino otashi ulike ethano ewanawa lyehumokomeho moshilongo oshoka iilonga yoludhi nduno oya kala hayi uvika ashike ngo katana komiilya, hayi ningwa unene kondje yoshilongo,” Kappa tati.

LEAVE A REPLY

Please enter your comment!
Please enter your name here