Aakwanezimo ya Fillemon ta ya gandja olupandu koshigwana

0
244
Aakwanezimo lya nakusa Fillemon Fillemon ya thanekwa pethimbo ya li moluhodhi lwomumati gwawo ngoka a mana oondjenda ombaadhilila sho a nina ongongo.

KuMaria Namupala

 

ONANKALI – Aakwanezimo yokanona hono ka li ka nina ongongo oshiwike sha ziko, otaya gandja olupandu lwawo kaa kwashigwana molwaasho ye ya tondokele pethimbo lyuudhigu mbono wa li we ya adha.

Fillemon Fillemon goomvula heyali, gwomomukunda Onankali okwa li a kundanekwa a nina ongongo sho yali taya litha momunkulo gwepya namukwawo oshiwike sha ziko.

Aakuluntu yokanona hano meme Soini Nakale na Andreas Fillemon oshowo meme Paulina Uugwanga ngono oye a kala ta sile okanona haka oshimpwiyu noku ka fala kosikola esiku kehe, oya ti otaya gandja olupandu lwawo koshigwana.

“ Nonande oshiningwanima shika oshali sha halutha oomwenyo dhetu ina tu teka omukumo, otatu pandula Kansela gwetu Henock Kankoshi shono ali e tu yakula nawa pethimbo lyuudhigu mbuka wetu adhele, ando tate Kankoshi ka lipo ando ina tu vula ku ninga omalongekidho agehe kutse yene. Ota tu pandula woo mwenegwomukunda gwetu (Onankali) Neshuku Mupupa ,ngoka a tondoka onkugo yetu noku tu kwathela mpoka ta vulu,” taya ti ngaa.

Soini Nakale ngono oye yina yanakusa okwa holola kutya, oya kala oku za nale na meme Paulina  na oya kala onga omuntu namumwayina ashike Kalunga shono eya ningile oye shi taambako, kaye na sho taya vulu oku ningapo osha gwana.

Oya pandula woo egongalo Onankali nomusita gwawo tate, Simon Itula molwa eyakulo lyawo ewananawa “Aakwanegongalo lyetu ayehe otwe mu pandula aaholike, otatu indile sho mwe tu ningile mu shi ningile woo yalwe opo Kalunga emu yambeke aaholike, omakwatho mwe ge tupe oshowo omatsomukumo niitya yombili tayi tungu oye tu tsu omukumo opo tu kale twa thikama po kutse yene,” ta ya gwedha ko ngaaka.

Omunona nguno okwa fumvikilwe metitano lya ziko momukunda gwawo Onankali.

LEAVE A REPLY

Please enter your comment!
Please enter your name here