A dhengwa noku ehamekwa

0
162

KuMaria Namupala

 

ONAYENA – Omulumentu gwoomvula 23 oku li ta mono epango moshipangelo shaNandjokwe, konima sho a dhengwa noku ehamekwa komulumentu omukwawo.

Molyomakaya yomasiku April 29, Johannes Martin Amupanda gwomomukunda Uuyoka mOshitopolwa shaShikoto, okwa li owala a kashinga ngaashi ngaa ha ningi shito ashike nani ka lya li esiku lye, okwa dhengwa noku ehamekwa nongashingeyi ota mono epango moshipangelo Onandjokwe.

Amupanda ye mwene okwa ti kutya oya ningi ngaa omasiku kaa yena ombili na naku mu dhenga. “ Otwa kala noku nyenyeta olundji sho shino hasho oshikando shotango ando ta tu yi mumwe na ye, kandishi nkene she ende oshoka onda li owala nda kuutumba mu yimwe yomoondunda puundingosho wa Nekayi, olyali ethimbo lyo kwa toka lela ashike onda ka haluka owala nda pama,” ta ti nga.

Omulumentu nguka okwa li a falwa koshipangelo kOnayena ashike oshoka okwa li eli monkalo ombwinayi okwa falwa meendelelo kOnandjokwe na ambulasa. Pamahokololo ota ku ti Amupanda okwa dhengwa nomupini na okwa ehamekwa unene kombinga yomomutse.

Okwa hokolola kutya momaandaha okwali a falwa komathano koshipangelo kOshakati noku zako owala esiku olyo tuu ndyo, “ Otandi pandula oshoka ondali ndili monkalo ombwinayi ashike ngashingeyi otandi tipo hwepo, ondina omukumo kutya otandi ka kala owala nawa “ Amupanda ta gwedhapo nonande eli monkalo tayi nyengathana.

Oyendji  mbono ha ya kala puundingosho waNekayi, oya holola kutya pehala mpana opwa ninga puuwinayi, oshoka opuna owala aantu taya dhengathana, yo taya monithathana iiponga ashike onkalo ndjino hasho ya kala. “Natu yandeni elongitho nayi lyiikolitha oshoka oyo tayi eta omashongo gatya ngaaka, uunona naagundjuka ina wu hala ku uvako onkene napu ningwe elunduluko,”  omukalimo gumwe gwomomukunda mono osho ta ti nga. Omasiku ga ziko mwene gwomukunda Uuyoka okwa li a ningile aakwashigwana ye oshigongi na okwa li e ya indile opo ya angale oku longitha iikolitha na yi. Kleopas Indongo okwa li wo eya indile opo ya kale nombili ne longelokumwe momukunda moka.

LEAVE A REPLY

Please enter your comment!
Please enter your name here