The Dogg, ota ka imba koMiss High School North

0
461
Uukadhona mboka tau ka ulika uunongo wawo wokweenda mEkamuti Town Lodge mOndangwa momasiku April 19

KuPinehas Nakaziko

 

WINDHOEK – Gumwe gwomaahikingalo aanene yaNamibia The Dogg, okwa hogololwa oye  ta ka kala omuhikingalo omunene esiku lyeuliko lyokakadhona dhingi Miss High School North muApril 19 mEkamuti Town Lodge  mOndangwa.

Euliko ndino olya longekidhwa koNo Mercy Entertainment, ongundu yimwe yomoongundu-hangano dhono hadhi unganeke iinyangadhalwa yomainyanyudho moNooli yoshilongo.

Euliko lyokakadhona ha ka otali ka kala olweetho olutiyali okuza nkene lya totelwe po omvula ya zi ko, nelalakano oku upika aanasikola yomoosekundosikola dhomoNooli opo ya kale yena owino miinyangadhalwa yoludhi nduka monakuyiwa. Oontana dhanelende lyUugwanga otadhi ka imonikila nee nkene tadhi ka thigathana po mekondjelo lyoshikoloni noku tala ngoka te shi faalele kegumbo omvula ndjika.

Oosekundosikola ndhi tadhi ka thigathana po noku ulika uukadhona wawo ongaashi nee Etosha, Otjikoto, Ekulo, Nehale, Onguti, Andimba, Nangolo, Gabriel Taapopi, Mweshipandeka, Erundu, Ekwafo nOnegumbo. Komayinyanyudho moongalo otaku ka kala ishewe aahikingalo ngaashi Omfally, Young Kasi, LBHT Scooby dee, Scary Ya bona, Jeeper Creepers, Terror Squad, Tripple 7 na Nestor fly back noo ya kwawo oyendji.

LEAVE A REPLY

Please enter your comment!
Please enter your name here