A indile aanamukunda ye ya kondjithe iimbuluma

0
248

KuMaria Namupala

 

UUYOKA – Mwene gwomukunda Uuyoka okwa li a ningi oshigongi oshinene shomukunda gwe omasiku ngaka. Moshigongi shino okwa li a ithanenemo omalenga omanene ngaashi tatekulu Tomas Shituku, Kaali ka Ntinda gokoshipundi shaNaayamba oshowo Amushanga gwElelo lyaNdonga  Joseph Asino.

Aanamukunda ayehe konyala oyali ya holoka koshiithanene shika opo ya kundathane na mwene gwomukunda Uuyoka yo ya uve sho tashi inyenge momudhingoloko gwawo. Oshigongi osha li sha ningilwa pegumbo lya mwenegwomukunda.

Tatekulu Kleopas Indongo pethimbo ta popitha aanamukunda ye, okwali eya kumike opo yaa dhanene omeya oshoka omvula oya loka nomadhiya ogu udha omeya unene. Okwa holola kutya ethimbo lyokalo ano lyokunwa omagongo olyo ndyono aanamagumbo haya hangana nokunwa omagongo gawo nombili no ya manguluka.

Indongo okwa indile aagundjuka ya kale no ku simaneka aakuluntu yo taya yakula miilonga kehe.

“Natu yandeni iikolitha nongele omuntu owa mono kutya owi ipamo sha gwana inda kegumbo eto ka thuwitha omwenyo goye, iikolitha otayi eta iinima iiwinayi moshigwana onkene natu kaleni kokule niinima mbyono tayi teyapo omagumbo getu,” ta ti nga.

“Osha nyanyudhandje oku mona aanamukunda yandje ya gongala nawa, onda hala tu kaleni noku longela kumwe kutya onga oshigwana shina ohole nombili ina tu kala noku ningathana nayi, ngele owuna uudhigu namukweni mu lombwela ngoye to mu pukulula nombili opo tu tungeni oshilongo shetu,” ta gwedhako.

Okwa indile aakuluntu opo ya yande oonyenyeta dhomomagumbo yo ya kumagidhe aanona yawo kombinga yomashongo ngono geya taalela.  Indongo okwa indile opo aantu ya kale yena uushinda wa kola yo ya kale noku longela kumwe uuna ya pumbwa omakwatho goludhi lwa yoolokathana.

Indongo okwa kumagidha woo aagundjuka ya yande elongitho lyiilwitho mbyono tayi eta uupyakadhi momagumbo. Ta tsikileko noku indila aanamagumbo oshowo aanuundingosho mbono inaa ya futa iifendela yawo ya kale noku futa mbala oshoka esiku lya hugunina olili popepi.

LEAVE A REPLY

Please enter your comment!
Please enter your name here