‘Izinyoka’ a dhengwa komu Britania

0
202
Sacky ‘Izinyoka’ Shikukutu (kolumoh) ta dhenge omukondjithi gwe omuBritish Frankie Gavin nongonyo yokolulyo pethimbo ya li taya kondjele oshishani sho Commonwealth Welterweight mo Newcastle, moUK Olyomakaya ga ziko.

Komutoolinkundana

 

WINDHOEK – Nonando okwa li a dhenge enyakwa etali gwile pevi medhingoloko etiyali, noshowo a dhenge nawa oongonyo noku pandika ko yendji, oku dhana kwa Sacky ‘Izinyoka’ Shikukutu huka ka kwali kwa gwana opo a vule oku kuthako oshishani shoCommonwealth mondjundo yo welterweight shoka shiniwe ku Frankie Gavin.

Shikukutu okwa li ta kondjitha Gavin moNewcastle sha Britania Olyomakaya ga piti nelalakano oku mu yuga epaya ndyoka.

Shikukutu okwa li ena einekelo mwene no kwa li a umbu oongonyo dhili nawa, ihe nando ongaaka ina dhenga lela ta ehameke opo a hulithepo olugodhi ndoka mbala.Okwa li wo a kumitha aatali yuudhano mboka sho a dhenge noku hatapo Gavin medhingoloko etiyali. Shika ota ku tiwa osho oshikando shotango muudhano wobokisa Gavin ta dhengwa eta gwile pevi. Ihe nando okwa dhengwa eta gu ngaaka Gavin okwa kala ta dhenge tadhi kwata onkene pehulilo lyuudhano aagandji yiitsa ayehe oya ti oye a sindanapo olugodhi ndoka.

Shikukutu okwa li a dhenge oongonyo oombwanawa medhingoloko etitatu, ihe Gavin okwa tameke oye ta dhenge nawa oku za medhingoloko etine, nokuza mpoka ina shuna we monima mokudhenga ndhoka tadhi kwata. Gavin, ngoka a ti oku gwa kwe ka kwali kwa etwa kongonyo ndele omolwashoka a thenunuka, okwa li ta dhenge ta hogolola mpoka a hala okudhenga moshitopolwa ashihe sha hupuko shuudhano mboka, na ka li we a dhengwa andola eehamekwa ku Izinyoka. Pehulilo lyedhingoloko 12, Gavin okwa pewa iitsa ngaashi tashi landula 117-111 nosho wo 118-109 lwaali kuukalata waa gandji yiitsa yatatu, nongeyi okwa yanda oku dhengwa noku yugwa oshishani ku Izinyoka. Omudheuli gwa Shikukutu  Nestor Tobias okwa ti okwa li a fuulwa komubokisi gwe unene tuu koongonyo adhihe ndhoka uumbu pethimbo lyolugodhi itaalu nuwa meya. Okwa ti Shikukutu okwa li a umbu nawa moompito adhihe mokudhana nomuBritania ngoka. Tobias okwa ti moku longa kwatya ngaaka okwa kumikwa ku Shikukutu na ote ke mu pa oompito odhindji noku mu kwatha opo a ye pombanda.

“Ngele oto dhimbulukwa Sacky okwa li eehameke epepe lye konyala konima yomimvo ndatu na okwa li inaa bokisa uule womimvo mbali oku mona kutya okwa li ta kondjo nawa ngaaka otashi ulike kutya ota ka ya kokule mo nakuyiwa. Sacky okwa li ta vulu oku dhenga Gavin nawa ngele andola okwa li ha dhenge mbali ndatu,” osho Tobias a ti.

Olugodhi nduka olwa li lumwe lwomomalugodhi ngoka ga dhanwa tango omanga ndoka olunene lwondjundo yo Bantamweight lwo lutu lwoongonyo lwo International Boxing Federation (IBF) pokati kenyakwa Stuart Hall nomukondjithi gwalyo Edward Martin inaalu tameka.

LEAVE A REPLY

Please enter your comment!
Please enter your name here