Kashushu ota ka tseyitha oalubuma yotango

0
306

KuPinehas Nakaziko

 

WINDHOEK – Omuhikingalo omushona, Ndjene Moses a tseyika nawa Kashushu naye osho  iikutha kohi na okwa tengenekwa opo a ka ulike noku tseyitha oalubuma ye yotango ‘Let me go’ mu5 April moClub Lolipop, mOngwediva.

Kashushu omvalele yomOshakati shaNangombe ye omuningi gwoongalo dhoKwaito noAfropop.

Okuna ontseyo oyindji shaashi ye ekuya lyaka nale ngele tashiya poshipewa shika. Oongalo okwa tamekele oku dhininga mo2009 ethimbo ali omushona lela.

Oalubuma ye otayi ka kala yi na ehwata lyoongalo omulongo nambali.

Mokupititha oalubuma okwa mona ekwatho koKappa Film Production nOmtata Entertainment.

Moalubuma okwa kwathelwa okwiimba kaahikingalo aaNamibia ngaashi Mushe, Buju Katyoko, Dingalo, Jixlam, Erastus Tsempo, Blackshow, osho woo omudhani gwiinyandwa omukiintu ta dhana nedhina Naambo mokafeelema kOshiwambo Konalenale, kaNdjeke yaMalimba gIindongo.

Oongalo dhe okwedhi ningila kositudio yaPro mOshakati, oshowo yaDj Ndex mOngwediva.

Yamwe yomaahikingalo taya ka ulika uunongo wawo pe tseyitho lyoalubuma ya Kashushu ongaashi neeFresh Family, Mineral & Tanga, Kuku Nkandanga,Dj Pro, Sapshoo nooyakwawo oyendji.

LEAVE A REPLY

Please enter your comment!
Please enter your name here