Osipana yomanyakwa gorugby Wanderers otai tsikile okuya komeho muudhano.

0
221
Attie du Plessis gwospana ya Rehoboth Rugby Club pokati ena etanga ta fadhukapo aadhani yokonima ya Unam Rugby Club pethimbo lyuudhano wawo woliha pokapale kuudhano ka Unam Sports Stadium Olyomakaya.

KuOtniel Hembapu

 

WINDHOEK – Enyakwa lyaNamibia muudhano worugby Western Suburbs olye shi pondola oku kala natango pombanda yoliha yuudhano mbuka sho lya dhengemo ospana yo Reho Falcon nookoola  28-21 moRehoboth Olyomakaya. Ongo enyakwa ndyoka tali kondjele oshishani shalyo Suburbs ngashingeyi ota fudha nawa sha landula esindano ndika. Unene tuu sho uudhano woliha ndjika wuuka medhingoloko lyahugunina oshikako shika. Shika otashi ya pe omukumo sho taya ka tsakanena naakondjithi yawo ya landulako.

Nonando oya dhengwa, ospana yo Falcon na yo oya li yi na oompito dhayo oku dhana nawa, naa yambidhidhi ya yo oya itaala kutya otaya kala noku dhana ngaaka. Iizemo iikwawo ospana yo Wanderers oya dhana nawa sho ya dhenge ndjoka yo Dolphins ookoola 67 monola muudhano wa li we egamena ombinga yimwe.

Wanderers oya li ya dhana nawa sho ya piyaganeke aakondjithi yayo mboka kaa ya li taya vulu oku ulika kutya oye thike pamwe nayo muudhano.

Ospana yo Dolphins Club ina yi ulika nando otuu kutya otayi vulu oku kondjitha ndjoka yo  Wanderers pamuthika guthike mpoka. Ospana yo United oya longitha woo ompito ya yo oku dhanena megumbo sho ya dhengemo ndjoka yo Kudu nookoola 42-11.

Omanga ospana ya Rehoboth Rugby Club oya edhileko kuudhano worugby ehuliloshiwike ndyoka sho ya dhenge mo ospana ya Unam nookola 8-3 pokapale ka Unam.

LEAVE A REPLY

Please enter your comment!
Please enter your name here