Umwe vali a dipawa komusamane waye

0
209

KuHelvy Shaanika 

 

ONGWEDIVA – Omukainhu weedula 50, okwa xulifa oshivike sha djako, ta ku fekelwa kutya okwa dengwa noku ehamekwa komusamane waye weedula 64, osho sha twala fiyo efyo.

Nakufya Anna-Maria Shimbaba, a dile komukunda Epoko kOmbalanhu, mOshitukulwa shaMusati, okwa twalelwe koshipangelo vati a  teka luvali mekipa lombuda, ye okuna eembole mbali momutwe.

Ovakwanedimo tava hokolola kutya, oufiku oku pendukila March 24, meme ou okwa li a dengwa neenghono komusamane waye, ndele ta twalwa koshipangelo keengulasha defiku olo, ita dulu oku linyengifa omaoko nomaulu.

Ashike Mbindjana Johannes (64), omusamane wa nakufya okwe li patana omapopyo oo kutya oye a dipaa omukulukadi waye, ta hokolola kutya ye okwe mu hevela ashike, nomukulukadi okwa kendabala ngeno oku yepa enghava, noku holama koshi yomukwaava oo ouli meumbo lavo.  Okwe ke li denga omutwe moshitenda sha dikilwa omuleko shili momukwaava, naasho osho sha eta opo a teke ekipa lofingo. Johannes ta ti oku haudafana pokati kaye nomukadi efiku olo okwe yapo eshi omukulukadi euya meumbo mokati koufiku. Ye (Johannes) ta pula nee ngeno omukadi kutya oshapi yopondunda yavo yokunangala oi li peni.

Eshi ina va udafana, Johannes vati okwa umhila omukulukadi ngeno emu denge nenghava, ye omukulukadi te li yepa nee ye eke li denge moshitenda.

“Paife ame ohandi ti ngahelipi, ngee oshi nima oshe ya sha umbwa komhepo? Ngee oshinima oshe ya ngaho vo ovakwapata vomukulukadi ota va fininike nge kutya aame nda ndipaa omunhu, ohandi xupile peni? Ngee ekwate po (kopolifi) tali ya ita ndi li keelele, eshi ta shi ya po ota shi ya po ashike, aame nda hevele omunhu,” Johannes ta popi ye ta kwena.

Ta weda po kutya omukulukadi waye okwa li ha longifa nai omalodu, naluhapu oha kala a yuka mounona nge adi komanwino. “Efimbo limwe ohe ya a yuka mounona, ame oha ndi muvele nee ombedi handi ti na efe ounona, ashike iha tu lidenge,” Johannes ta ti. Ashike ova kwapata ota va hokolola kutya Johannes okwa kala ha hepeke omukulukadi waye, he mu denge unene tuu ngeenge a dja komanwino.

“Efiku olo, omusamane okwa ile kOshakati, ndele eshi a djako vati okwa ka kala ta nu omaongo noovakwao pomukunda tuu wavo opo. Eshi e uya keumbo lwopo 21h00, okwa tameka ta denge omukulukadi, ndele te mu fiye a kangavala pondje, ye ta ka nangala.

“Lwopo 02h00 yongula, mbela eshi a dja oukolwe, opo a ka pendula omonamati oo hadi meumbo lavo, opo vati a ka konge ndalaiva, va twale omukulukadi koshipangelo,” umwe womovakwapata ta hokolola. Omukwapata ta hokolola kutya, omusamane ou a twala omukulukadi koshipangelo, vati okwa lombwela ovapangi kutya omukulukadi waye oku na ombole momutwe e li denga mekuma, osho she mu etela ombole oyo ya li tai di ohonde, momutwe lwokoshipala.

Omolwa ouyelele oo va pewa komusamane, ovapangi vati ina va kondjifa vali ngeno opo va pewe ombapila yopolifi oyo ha i pangifwa ovanhu nge va mona oshiponga, onghene ova hondja ashike ombole oyo ya li ta i di ohonde.

Ongula eshi kwa sha ovahakuli vati opo va ka dimbulula kutya onghalo yomukainhu ka i li nawa. Ta ve mu tumine koshipangelo kOshakati oko aka tuminwa koshipangelo ko Windhoek oko a xulifila Etivali loshivike eshi.  Kakukutu komatanga Opolifi mOmusati Komisina Shinedima Shindinge okwa ti opolifi ita i dulu oku koleka kutya nakusa Shimbaba okwa dipawa, ile hasho shaashi ekonaakona lopolifi ina li pwa natango.

“Ouyelele ou tu na oyoo kutya omusamane okwa ifana okamona, ta ti naka ka tale ndalaiva va twale ina koshipangelo, shaashi ova li ta ve li undaula ndele mbela ina okwa ehama…

LEAVE A REPLY

Please enter your comment!
Please enter your name here