Aayimbi aaZambia yedhina Zambia’s Organized Family taya tseyitha oalubuma yawo poPaasa

0
856

KuClemence Tashaya

 

EENHANA – Aahikingalo mbaka oya kwatako aaholi yomusika moNamibia alihe omolwa oku dhana iiyimbo yawo nawa noshowo ongowela nomukwelengendjo gwomusiki yawo.

Uuna taya imbi nokundanisa oha ya nyanyudha aatali naapulakeni yawo nawa, unene nomawi gawo. Aayimbi mbaka yaali aamwayinathana otaya ka holoka noku imba oshikando oshitine moNamibia taya ka imbila pokluba yuusiku ya Chez Ntemba moKatima Mulilo moshitopolwa sha Zambezi mehuliloshiwike lya Paasa.

Mbaka omanyakwa momusiki mo Zambia haya imbi kohi yedhina Organized Family, yo oyo aamwayinathana  Kent Singoyi a tseyika Orga Kent ngoka omwiimbi gwotango na Rex Singoyi a tseyika  Orga Rex.Apehe mpoka ya imba nenge ya danisa nokudhana omaimbilo noongalo dhawo ngaashi ndjoka ya Koka Kola” na  “Minga Munsomba” na “Marco Polo” kutya nee omoshitopolwa sha SADC oya nyanyudha aatali naapulakeni yawo , mboka aluhe haya kala ya hala natango mbaka ya tsikile oku imba.

Ongundu ndjika  Organized Family oya tamekele oondjimbo moma 2000 na oye na ooalubuma dhili ntano sigo oompaka ngaashi Orga (2004), Sinzakutangila (2006), Missed Call (2008), Koka Kola 2010, Kabende (2012) nontihamano oondjoka hayi ithanwa “Ringtone” ndjoka ya taambiwako noku hokiwa kaapulakeni ya yo. Aahikingalo mbaka oya ninga woo uungalo wovideo moka taya imbi omaimbilo ga Marcopolo in Basket na Koka Kola.

Pahapu dha mwene gwa Chez Ntemba poKatima Mulilo nomuwiliki gwa Zambezi Intwiza, Sylvester Simubali, aatali naaholi yomusika yaa imbi mbaka otaya ka nyanyudhwa unene poPaasa kongundu ya Organised Family  taya ka imba pamwe  naa imbi yomoshitopolwa moka haya ithanwa Shikokoshi. Mbaka otaya ka joinwa kaandanisi aape methigathano lyoku danisa.

“Omusindani methigathano lyodanisa yoShikokoshi ota ka pewa oodola N $ 500 koomuma uuna oye a hogololwa kaatali nawa  ongo omundanisi dhingi,’ Sylvester Simubali a ti. Omaimbilo gamwe ngoka ge holike moalubuma dha Organised Family oga kwatelamo ngaashi  “Botolo Top”, “Hungry Lion”, na “Facebook” noshowo  “Train” naandyoka  lya tseyika nawa ongo Njota nenge  Potato Salad moshitopolwa shaZambezi , Botswana nomoZambia.

“Tse otwa nyanyukwa oshoka aaNamibia oye hole omusika yetu unene naandika olyo etompelo lyetu eta ishewe huka opo tu ye tu imbe. Oshikwawo Namibia, okwa fa egumbo etiyali kutse,” Orga Kent a ti. “Otwa li twa imbi noku ulika uunongo wetu woondjimbo mo 2013 poOld Chez Ntemba moWindhoek, ta tu ka imba ishewe poRundu muDesemba  2013 tatu imbi poKatima Mulilo noku za mpoka aaNamibia oyendji oye hole omusika yetu, natse ongo ofamily otu hole Namibia.” Otwa inyengithwa kaayambidhidhi yetu mboka oyendji taya adhika konyala miitopolwa oyindji kaashi shi ashike moVenduka ndele mbaka otaya adhika woo apehe miilando iinene ya Namibia.  “Shika oshe tu kumike opo tu galukile koNamibia ethimbo kehe oshoka eyambidhidho lyetu muka olya faathana ashike naandyoka lyokegumbo koZambia,” Orga Rex, a gwedha ko. “Ondunge yoku imba oya tameke naakuluntu yetu, ngame ongo osheeli onda tsikile oku imba mongerki uule wethimbo.Unene tuu sho nda li handi wilike ongundulwiimbo megongalo,’ osho Orga Rex  ati.

“Otatu longo nuudhiginini noku ninga omathaneko opo tu ka talelepo iitopolwa yokonooli ya Namibia,” osho aamati mbaka ya ti newi limwe moonkundathana dhetu nayo mongodhi.

Ofuto pomweelo otayi kala oodola N$ 50 kuutekete wa kehe gumwe omanga uutekete waasimanekwa nenge oohashike sha lye  ota wu landwa oodola N$ 150.

LEAVE A REPLY

Please enter your comment!
Please enter your name here