Asser, noongalo dhopambepo

0
216

KuPinehas Nakaziko

 

WINDHOEK – Omuimbi gwoongalo dhopambepo gwedhina Asser Haushona a tseyika nawa Asser Commanda onkene ta pula natango komeho ngele tashiya moongalo dhopambepo.

Asser okwa ti, aayambidhidhi ye osigo oompaka oya nyanyukwa omolwa oongalo dhe ndhoka dhina etumwalaka lyongushu no lya kola unene tuu monena ngele tashiya pa ku itedhulula.

Asser okwa tamekele oku imba momumvo 2007 ashike omolwa ompumbwe yoshimaliwa okwa kala ta nyengwa kashona. Momumvo o2012 okwa li a pititha oalubuma ye yotango yoongalo dhopambepo  “Forever My Lord”. Asser okwa ti nonando oalubuma ye yotango ya li ya hokiwa uunene koshigwana, osha li she mupe omukumo opo a pule ishewe komeho, mpoka a kala ta longo nuudhiginini. Omvula oyo tuu ndjoka okwa pititha  ishewe oalubuma ye ontiyali tayi ithanwa “By the grace of the Lord”. “Elalakano opo ndi imbe oongalo dhopambepo omolwaasho  onkalo yinyanyaleka oyali ya holokele ndje, no ndali nda igandja momake gaKalunga, noku lundulula onkalo yandje, okuninga omukriste pa ku udha.

Okuza mpoka opo ne nda tokola oku uvitha ohapu yOmuwa oku pitila moongalo dhandje,”

Okwa gwedhapo tati, okupukulula oshigwana osho oshinima sha simana oku ninga, unene tuu ku ye omanga ena omwenyo, nomadhiladhilo taga longo nawa omolwa esilohenda lyaNampongo.

Oalubuma dha Asser adhihe mbali onkene tadhi pula komeho, ta dhi longo, no ta dhi nyanyudha aaholi yoongalo dhopambepo.

Oalubuma ye oya ningwa omikwelengendjo kuPapa Imanu Kefas goPandi Music Production.

Ota pandula Mama Pena Keefas sho emu kwathelwa okwiimba moalubma dhe, nooyakwawo oyendji mboka ya kala noku mu yambidhidha.

LEAVE A REPLY

Please enter your comment!
Please enter your name here