A monika sho a ningi esiku a kana

0
187

KuMaria Namupala

 

ONAYENA – Konima ashike sho a ningi esiku kee wetike,  Omulumentu goomvula 29, Johannes Panduleni Nelago a tseyika woo nawa nedhina Shaale, omvalele ya Nayena, okwali  itsuwa asa metiyali lyoshiwike sha ziko, a sila medhiya lyomeya hali ithanwa Ekango lyaEnyango lili ashike mOshikandjohohogololo Onayena.

Omusilishipwiyu gwaShaale meme Magano ga Nekomba okwa hokolola kutya ye mwene Shaale okwa valwa nuunkundi wo asthma nonande haye ando omunkundi lela. “Okwa li owala azi megumbo pOniipa oshoka onde mu kuthako sho meme gwe a mana oondjenda, oha ndi kala naye  ashike ngele a yuulukwa ku mumwameme gumwe eli kOnankali ohandi mu etha owala aye ngaashi shito, ashike oshikando shino okwayi ngaa kOnankali no konima yomasiku onda ka uva eli kOnayena, onda kala ngaa nee te dhenge ndi pule ngele oko eli,” ta ti nga Kagolo ngono a kala na Shaale megumbo okwa ti ye mwene okwe mu ihulu mOlyomakaya yomasiku 22 ga Maalitsa, ta kala ngaa te mu kongo ashike ke mu wete nande.  “Momasiku sho nee gali 25  oyendji mbono haya ende lwopekango mpoka oya kala ngaa anuwa ye wete oshinima shili momeya, taya patathana nee yamwe otaya ti ongombe yasa ashike lwokomatango oya tokola opo ya ka kwashilipaleke kutya oshinima oshike shili momeya, moku yamo oya mono kutya omuntu asa nani, oShaale gwaayetu, onda dhengelwa nee ongodhi noku ya meendelelo oku thika owala pehala onda adha omudhimba gwa kuthwamo nale momeya, tandi landula opolisi ndi ka kwashilipaleke kutya oye ashike mokuya kwandje hono onda mono kutya oye,’’ Kagolo ta ti nga.

Meme Nekomba okwa ti kutya omudhimba gwa Shaale ka gwali nande monkalo ombwanawa oshoka ina gu talwa nokoshipala esiku lyefumviko.Aakalimo yomoNayena oya holola kutya omaso mOnayena otaga tilitha oshoka oshinima shaantu taya adhika ya sila momeya osha londa no ta shi eta omaipulo omawinayi, taya ti hasho oshikando shotango mekango muka tamu adhika omuntu asila mo.

“Tse ota tu tsikile noku konakona tu tale shono tashi eta omaso giipundjamene mOnayena, otwa lulilwa unene otuna oku ka tuka onkatu tse tu mone uushili oshoka ngaashingeyi aantu otaya popi omahokololo ogendji ashike  ita tu ga etha nande,” ta ti nga.

LEAVE A REPLY

Please enter your comment!
Please enter your name here