Omulumentu goomvula dhopokati asa omeya

0
190

KuMaria Namupala 

 

ONA-Omulumentu goomvula 29, Erastus Hamukoto Kakololo gomomukunda Oipapakane moshitopolwa sha Hangwena  okwa kundanekwa a mana oondjenda dhe sho a gwile mondama yomeya omanga a li ta kambadhala oku kwata oohi.

Hamukoto pethimbo a gwile mondama ndjika okwa li ashike ta takamitha iimuna ye metitatu lyoshiwike sha ziko, okwa tseyithwa omulumentu oye tu nguka a kala tayi puundunda wuli popepi noku nwamo ngaa mokatombo, no konima okwa shuna a ka tonatele iimuna ye ye ta kwata ngaa nee ando oohi dhe nelalakano a konge oshiyelelwa shomegumbo.

Okuza mpoka omulumentu nguka ina monika we, uutekulu we owa kala tawu mu kongo ashike ina ye mu mona nande, taya kambadhala no ku pula gumwe ha landitha puundunda mpoka ngele oye mu mona ashike oya hokolola kutya oye mu ihulile owala momitenya mo.

Konima ashike yethimbo  nomo ku enda oyali ya mono iikutu ya fa ye  yi li pondama mpoka, oya matuka noku ka tseyithila aakuluntu kegumbo, aapambele oya kala noku tala momeya ashike ka ye mu wete nokonima oya tokola yi ithane opolisi yo ya tale ngele taye mu mono ashike opolisi inayi vula oku mu konga esiku ndyoka oshoka mboka haya kuthamo omidhimba momeya ka ya lipo.

Aapolisi oya li ya mono aakwatheli okuza kOshana nometine omudhimba gwa Hamukoto ogwali gwa kuthwamo, aakwanezimo oya koleke kutya omudhimba ogwa Hamukoto, omudhimba gwe oguli kokila yopolisi pOhangwena.

Pethimbo aapambele taya gandja ehokololo ndika oya ti inaya ninga natango omalongekidho gefumviko.

LEAVE A REPLY

Please enter your comment!
Please enter your name here