Onghwalukuwa ya holola uuntsa nuunambano wayo

0
294

KuPinehas Nakaziko

 

OKAHANDJA-Ongundu yoondjimbo dhOshiwambo, Nakapandi Koikuti ndjono ya tseyika nawa Onghwalukuwa, oya holola uuntsa nuunambano wayo sho yali ya piti woo moshihogololitho  sho Best Shambo no Best Traditional, methigathano lyokomumvo lyegandjo lyiishani kaahikingalo dhingi aaNamibia (Namas).

Omukwateli komeho gwongundu ndjika, Victor Nakapandi, okwa ti nonando ka kwali ye shi tegelela oalubuma yawo yotango “Ohango” yi kale ye shi pondola muucategoli wumwe mboka, okwa li enyanu enene kuye. Okwa indile aayambidhidhi yongundu yawo opo ya kale noku ya yambidhidha ngaaka.

Onghwalukuwa ongundu ndjoka yeshigamena mOkahandja, no ya tamekele nomayimbilo gawo okuza mo2012. Oya pititha oalubuma yawo yotango omvula ya zako tayi ithanwa Ohango. Ohango oyo oalubuma ndjoka yali yi holikwe kaakalimo yomOkahandja, unene tuu kaagundjuka. Oalubuma oya li ya piti nehwata lyoongalo omulongo nane (14).

Ehuku lyoalubuma okwa li okutanga omuthigululwakalo gwAawambo no ya li unene tayi tanga omudhengingonyo gwomOkahandja, Simon Naindjala, a tsikile nokulonga nomukumo.

Nakapandi okwati mongashingeyi otaya longo nuudhiginini opo ishewe ya hololepo opolojeka yawo ontiyali, ano oalubuma ndjoka ya tegelelwa yi ka ulikwe kuyele nuumvo mOkahandja. Oalubuma ota yi ka ithanwa Tsumina, no ta yi ka kala uunene ta yi dhenge omuthindo nkene aagundjuka yena okukalekapo omithigululwakalo dhawo.

LEAVE A REPLY

Please enter your comment!
Please enter your name here