Shigwana kwatha u dhimbulule omuntu ngu a lyatwa kohauto

0
214

KuLoide Jason 

 

ONGWEDIVA – Opolisi yomoshitopolwa shaMusati otayi indile nesimaneko enene kaakwashigwana opo ye ya kwathele okudhimbulula omudhimbwa gwomulumentu gwepipi lyopokati ngoka guli mokila yawo mopolisi mOkahao.

Omupiliko gwopolisi yaMusati Warrant Officer Liinekela Shikongo okwa ti opolisi otayi kongo meendelo aafekelwa yo paali mboka ya lyata nokudhipaga aalumentu yaali mOmusati oshiwike shika.

“Ngashingeyi otandi indile opo aakwashigwana mboka yeshi omuntu a kana ya endelele ya ye kopolisi yokOkahao opo ya ke mu dhimbulele,” Shikongo ati.

Shikongo okwa ti mOmaandaha ngaka okwa lyatwa omulumentu koshihauto a lyatelwa mondjila onene yaKahao nOshakati lwopomukunda Etunda mOngandjera.

Opolisi oya ti kutya nakusa nguka a lyatwa ndele ohauto tayi fadhukapo okwa li a zala   ohema yomaako omale ombulau yina uundjila uutokele nombulukweya yokake ohupi.

Omulumentu nguka otaku hokololwa nee kutya omuluudhe koshipa, ina nanga ye ina ondoka , okwa zala woo oongaku oonduudhe ashike kadhina oomiya dhoongaku.

Shikongo ota ti na ku lyata omusi okwa fadhuka po no shiningwanima shika oshitiyali momwedhi nguka oshoka  mOlyomakaya ga ziko mOmbalantu omwa lyatwa wo omulumentu  kohauto etayi fadhukapo .

Nakulyatwa kOmbalantu opo na ye wo a sila poshiponga mpoka naakwanezimo lye oya tseyithilwa nale.

Opolisi oya londodha woo aalongi yomatuwa uunene tuu mboka haya dhengemo oohauto opo ya tseyithile opolisi ngele poongalashe dhawo opweya aantu ya etapo oohauto dhawo dhilongwe taya ti kutya oya lyatya nando oshinamwenyo na ya tseyithile tango opolisi opo yi ninge omakonaakono.

LEAVE A REPLY

Please enter your comment!
Please enter your name here