Ya Ndakolo a kumagidha Aanayena

0
299

KuMaria Namupala

 

ONAYENA – Momasiku ga5 gomwedhi nguka oshikandjohogololo Onayena oshali sha dhimbulukwa esiku lyemanguluko, sha ningilwa pOmandongo.

Akwashigwana oyali ya holoka momwaalu omunene oku dhimbulukwa no ku tyapula evalo lyaNamibia noku tala shoka ya adhapo konima yemanguluko.

Ngoloneya gwaShikoto Penda ya Ndakolo okwa li a kumagidha Aanayena molwa onkalo ndjono tayi fofodholwa , opo ya yande oombepo dha nyata ndhono tadhi popiwa dhafa dhi iyakela mOnayena.

Omapopyo oga holoka kutya opuna yamwe ya mana oondjenda nenge ye ehama momapunda konima ashike ngele ya nu sha.

Ya Ndakolo okwa indile opo ngele oshinima shika osho shili shi mone ehulilo. “Ngele opuna ngu wuna uuyelele moshinima shika tu tseyithila mbala tse tuye mo oonyala musho, oshoka ndino eteyepo owala lyoshigwana molwa aantu taya kanitha oomwenyo dhawo pwaahena kutya oshiyetithi sheso oshike,” a ti.

Okwa kumagidha woo aagundjuka ya ethe elongithonayi lyomalovu oshoka ogo taga eta omiyonena unene okwa uvaneke woo kutya Epangelo otali ka yamo olunyala moshinima kehe tashi inyenge momukunda moka noku eta onkalo kuuwanawa ngaashi ya li.

Ta indile aantu ya tsikile noku galikana Kalunga a yamukule omapulo gawo.

Ndhino okwali edhi popi pOmandongo mpoka. Esiku olyali lya mwenyekwa koongundu dhomaudhano, oondjimbo oshowo iitewo tayi hokolola Namibia.

Kansela gwaNayena Max Nekongo okwa koleke kutya omapopyo taga nyenyeta Onayena molwa onkalo ndjono yi iyakela moshikandjohogololo she okuga uvite ashike otaya ka kala ya katuka onkatu mbala opo ya mangepo noku konakona mbono taya fekelwa omolwa oshinima shi.

Omapopyo itaa ga vulu oku kolekwa ota ga ti opwa fa pena aantu ya nika shoka haku ithanwa omindamba nenge aantu aniwa taya pe yalwe uuzigo , kutya onelalakano li ni kapena ngoka teshi fatulula. Oshikwawo opwa ningwa iiningwanima konyala itatu lwaampoka aantu yatatu ya adhika momeya ya sa komukalo tagu etitha omaipulo.

LEAVE A REPLY

Please enter your comment!
Please enter your name here